कर दिवसको नाराः स्वच्छ कर प्रशासनः विकास र सुशासन

काठमाडौं १ मंसिर । आर्थिक वर्ष २०७५/७६ मा सूर्य नेपाल प्रालिले सबैभन्दा बढी कर तिरेको छ । आन्तरिक राजश्व विभागले कर दिवसको अवसरमा राजधानीमा गरेको विशेष कार्यक्रममा सबैभन्दा बढी कर तिर्ने कर दाता सूर्य नेपाल प्रालिका उपाध्यक्ष रवि केसीलाई सम्मान गरेको छ । व्यक्तिगत आयकरतर्फ सबैभन्दा बढी कर तिर्नेमा सिद्धार्थ शमसेर जबरा रहेका छन् । कार्यक्रममा उनको प्रतिनिधिको रुपमा शुम्भुप्रसाद दाहालले सम्मान पत्र ग्रहण गरेका थिए । त्यसैगरी निर्यातकर्ताहरुबाट सबै भन्दा बढी आयकर तिर्ने कर दाताको रुपमा डाबर नेपाल प्रालिका वित्त प्रमुख पंकज बजाज, मदिरा र चुरोट बाहेकका उद्योगतर्फबाट सबैभन्दा बढी आयकर तिर्ने करदाता जगदम्बा स्टिल्स प्रालिका प्रबन्ध निर्देशक सुलभ अग्रवाल, कृषि एवं पशुपंक्षीजन्य उद्योग मध्येबाट सबैभन्दा बढी आयकर तिर्ने कर दाता अन्नपूर्ण एग्रो इण्डष्ट्रिज प्रालिका वित्त निर्देशक राजकुमार पराजुली छन् । सहकारी तथा लघु वित्त मध्येबाट छिमेकी लघु वित्त वित्तिय संस्थाका प्रमुख कार्यकारी रामचन्द्र जोशी, बैक वित्तिय संस्था तथा विप्रेषण कारोबार मध्ये राष्ट्रिय वाणिज्य बैंकका प्रमुख कार्यकारी निर्देशक किरण कुमार श्रेष्ठ, बीमा व्यावसाय मध्येबाट सबै भन्दा बढी आयकर तिर्ने कर दाता नेपाल लाइफ इन्सुरेन्स कम्पनीका प्रमुख कार्यकारी अधिकृत विवेक झा, स्वास्थ्य तथा शिक्षा सेवा मध्येबाट सबैभन्दा बढी आयकर तिर्ने कर दाता मणिपाल एजेकुसन एण्ड मेडिकल ग्रुप नेपाल प्रालिका जनसम्पर्क अधिकृत रवि कुमार विष्ट,सुचना प्रविधि क्षेत्र मध्येबाट वल्र्ड लिंक कम्युनिकेसनका अध्यक्ष दिलिप अग्रवाल सम्मानित भएका छन् । व्यापार व्यवसाय मध्ये सबै भन्दा बढी आयकर तिर्ने अग्नि इन्टरप्राईजेजका प्रबन्ध निर्देशक क्याबिनेट श्रेष्ठ, पर्यटन व्यवसाय मध्ये तारागाउँ रिजेन्सी होटल लिमिटेडका कार्यकारी निर्देशक सुरेस लाल श्रेष्ठ, मध्यमस्तरीय करदाता मध्ये कामना सेवा विकास बैक लिमिटेडका हरिप्रसाद लम्साल, आन्तरिक राजश्व कार्यालयहरुको कार्यक्षेत्र भित्र रही सबैभन्दा बढी आयकर तिर्ने भिएस सर्भिसेस मोरिसस प्रालिका प्रबन्धक मधुकर कार्कीलाई सम्मान गरिएको छ । विभागले १५ वटा विधा निर्धारण गरी उत्कृष्ट कर दाताहरु छनौट गरि सम्मान गरेको हो । कार्यक्रममा उत्कृष्ट कर्मचारीहरुलाई पनि सम्मानित गरिएको थियो ।

थप समाचार

विस्तृत शान्ति सम्झौताको १८ वर्षः युद्ध गर्ने नेताको जीवनशैली फेरियो,…

बालुवाटारमा ओली-देउवासहित कांग्रेस र एमालेका शीर्ष नेताहरू छलफलमा

प्रधानमन्त्री, मन्त्री र जनप्रतिनिधिले अनुमति नलिइ उपनिर्वाचनको प्रचारमा हिँड्न नपाउने

मेडिकल व्यवसायी दुर्गा प्रसाईं दोस्रो पटक पक्राउ, प्रधानमन्त्री ओलीविरुद्ध भ्रामक…

हिरासतमा रहेका रवि लामिछानेको बोलीले प्रहरी तनावमा,मौका पाउने बित्तिकै सरकारलाई…

नारायणगढ–बुटवल सडकको ठेक्का सम्झौता रद्ध गर्ने प्रधानमन्त्रीको चेतावनी