Techie IT
  • ६ कात्तिक २०७८, शनिबार
KhojPatrika

प्रधानमन्त्री ओलीको दोस्रो पटक मृगौलाको डायलाइसिस गर्ने तयारी


काठमाडौं १४ कार्तिक । अस्वस्थ भएर ग्राण्डी अस्पतालमा उपचाररत प्रधानमन्त्री केपी शर्मा ओलीको दोस्रो पटक मृगौलाको डायलाइसिस गरिँदैछ । बुधबार प्रधानमन्त्री ओलीको पहिलो डायलाइसिस गरिएको थियो । डायलाइसिस सकेर प्रधानमन्त्रीलाई केहीबेर आइसियुमा राखिएको थियो । साँझ भने ओलीलाई क्याबिनमा सारिएको थियो । प्रधानमन्त्रीको रगतमा क्रेटिनिन, युरिया र पोटासियमको मात्रा अत्यधिक बढेपछि डायलासिस गरिएको हो । पिसाब राम्ररी नभएर शरीरमा पानीको मात्रा धेरै भएको चिकित्सकले बताएका छन् ।  शरीरमा पानीको मात्रा धेरै भएपछि श्वासप्रश्वासमा कठिनाइ हुन्छ भने रगतमा पोटासियमको मात्रा धेरै बढ्यो भने मुटु ब्लक हुने सम्भावना हुन्छ । दोस्रो डायलाइसिसले रगतमा रहेको हानिकारक तत्व थप कम गराउनेछ ।  स्वस्थ मिर्गौलाले रगतमा रहेका हानिकारक तत्व छान्ने काम गर्छ । बिरामी मिर्गौलाले छान्ने काम गर्न सक्दैन । त्यसैले पानी वा रगत हालेर डायलासिस मार्फत् रगतको विकार सफा गरिन्छ । प्रधानमन्त्री ओलीलाई अस्पतालको १४ औं तलामा राखिएको छ ।

क्याटेगोरी : देश/दुनियाँ, प्रमुख समाचार, ब्रेकिंग न्युज, समाचार
ट्याग : #ओलीको दोस्रो पटक मृगौलाको डायलाइसिस गर्ने तयारी

तपाईको कमेन्ट लेख्नुहोस्