जनकपुरमा गोली चल्यो, एकको मुत्यु

धनुषा ६ कार्तिक । जनकपुरमा गोली प्रहार गरी एक जनाको हत्या गरिएको छ । वडा नम्बर १४ मुजेलिया स्थित विद्युत प्राधिकरण नजिकै गोली लागेका ४० वर्षिय मनोज साहको मृत्यु भएको छ । पैसा माग्न जाँदा उनको स्थानीय पंकज चौधरीले गोली हानी हत्या गरेका हुन् । उनीहरूको पहिलेदेखि नै लेनदेन हुने गरेको बताइएको छ । मृतक साहको शब परिक्षणका लागि प्रादेशिक अस्पताल जनकपुरमा राखिएको छ । पक्राउ परेका पंकजको साथबाट प्रहरीले कटुवा पेस्तोल तथा गोली बरामद गरेको छ । दुबै जना निर्माण व्यवसायी रहेको धनुषाका प्रहरी उपरीक्षक शेखर खनालले जानकारी दिए ।