किन अशुभ भयो संसद भवनको शिलन्यास ?

बुधबार सिंहदरबारभित्र संघिय संसद भवन निर्माणका लागि शिलन्यास भयो ।  प्रधानमन्त्री केपी शर्मा ओलीले सिंहदरबारमा निर्माण हुने संघीय संसद् भवनको बिषेश पुजापाठ सहित पुतली बगैंचामा भवन शिलान्यास गरे । भवन निर्माणको लागत  ७ अर्ब ७३ करोड ५२ लाख ४ हजार रुपैयाँ अनुमान गरिएको शहरी विकास मन्त्रालयले निर्माण गर्न लागेको हो । २०६२–६३ को जनआन्दोलनपछि पुनस्र्थापित संसद संचालनका लागि उपयुक्त स्थानका रुपमा नयाँ बानेश्वरस्थित अन्तराष्ट्रिय सम्मेलन केन्द्रलाई छानिएको थियो । सरकारले भाडामा प्रयोग गर्दै आएको झण्डै १३ वर्ष भयो । यो अवधिमा सरकारले भाडाबापत नै अर्बौँ रुपैयाँ तिरिसकेको छ । अब भने सरकारले ढिलै भए पनि नयाँ संसद भवन बनाउने भएको छ । सिंहदरबारस्थित पुतली बगैंचामा संसद भवन निर्माण गर्नका लागि शिलन्यास हुँदा नै जोतिषशास्त्रीय दृष्ट्रिकोणले अशुभ मानिएको छ । जोतिष प्रा.डा.रुद्रनाथ अधिकारीले सरकार र संसद भवन शिलन्यासमा दिएका त्रुटिहरु यसरी औल्याएका छन् । उनले सामाजिक सञ्जालमा लेखेका छन् हिजोको संसद भवनको शिलान्यासको बारेमा केही भन्न मन लाग्यो। राष्ट्रको प्रशासनिक र नीतिनिर्माणको थलो जस्तो महत्त्वपूर्ण भवनको शिलान्यास गर्दाको मुहुर्त र साइत सबै प्रकारले शुभ हुन पर्ने थियो तर हिन्दु परिवारमा जन्मिएका, हिन्दु र ब्राह्मण कुलको संस्कारमा हुर्केका यो देशका प्रधानमन्त्री जस्तो जिम्मेवार ब्यक्तिले शिलान्यास सबै प्रकारले अशुभ, गर्नै नहुने त्याज्य समयमा गर्नु अति निन्दनीय र लज्जास्पद रहेको छ।

यो देशको राजनीति र सरकार सधै अस्थिर, बिबादास्पद, र आलोचित हुनुका मुख्य शास्त्रीय दृष्टिकोणले यस प्रकार रहेका छन ।

हिजोको दिनमा शिलान्यास गर्न निम्न कारणहरुले उपयुक्त थिएन ।

यसरी हिन्दु संस्कार र संस्कृति मानिआएको देशमा यस्तो निन्दनीय कार्यले के संदेश र संकेत दिएको होला सबैले एकपटक सोच्ने बेला आएको छ।

नयाँ संसद भवन निर्माणको लागत ७ अर्ब ७३ करोड ५२ लाख ४ हजार रुपैयाँ अनुमान गरिएको छ । तर निर्माण कम्पनी टुण्डी सेक ज्वाइन्ट भेन्चरले ५ अर्ब ६७ करोड २७ लाख ६१ हजारमा निर्माण कबुलेको छ । निर्माण थालेको साढे २ वर्षमा भवन तयार हुने मन्त्रालयको भनाइ छ । मन्त्रालयले तयार पारेको डिजाइन अनुसार तोकिएकै समयमा संसद भवन निर्माण भए अहिलेकै संसदका साथै आगामी निर्वाचन भएर बन्ने अर्को प्रतिनिधि तथा राष्ट्रिय सभाका लागि भाडामा खर्च गर्नुपर्ने अर्बौ रकम जोगिनेछ । कर्मचारी तथा अन्यका लागि प्रवेशद्वार राखिने छ । मुख्य गेटबाट प्रवेश गर्नेवित्तिकै प्लाजामा पुगिनेछ । त्यसको एकापट्टि संसद सचिवालय हुनेछ भने अर्कोको प्रतिनिधिसभाको हल हुनेछ ।