कहाँ–कहाँ हुदैंछ उपनिर्वाचन

काठमाडौं २९ साउन । गत फागुनमा ताप्लेजुङमा भएको हेलिकोप्टर दुर्घटनामा परेर तत्कालिन पर्यटन तथा नागरिक उड्डयनमन्त्री रवीन्द्र अधिकारीको निधन भएपछि कास्की क्षेत्र नम्बर २, प्रतिनिधिसभा सदस्यविहीन छ । यस्तै, प्रदेश पाँच अन्तर्गत दाङ क्षेत्र नम्बर ३ को ‘ख’ बाट निर्वाचित प्रदेशसभा सदस्य उत्तरकुमार ओली, गण्डकी प्रदेश अन्तर्गत बाग्लुङ क्षेत्र नम्बर २ ‘ख’ का सांसद टेकबहादुर घर्ती र प्रदेश ३ को भक्तपुर–१ ‘ख’ बाट निर्वाचित हरिशरण लामिछानेको निधनपछि प्रदेशसभाका तीन स्थान खाली भएको हो । आयोगका अनुसार उपमहानगर पालिका प्रमुख १, गाउँपालिका अध्यक्ष ३, उपाध्यक्ष १, गाउँपालिका तथा नगर वडाध्यक्ष ४१, प्रदेश सभा सदस्य ३ र प्रतिनिधि सभा सदस्य १ गरी ५० पदका लागि उपनिर्वाचन हुनेछ ।

निर्वाचनका लागि आवश्यक पर्ने सबै स्रोत र साधनको कार्यविधी सम्बन्धी काम भैईरहेको छ । नेपालमा विद्युतीय भोटिङ मेसिनको प्रयोगको चर्चा पहिलो संविधानसभापछि चुलिएको थियो । त्यसपछिका हरेक निर्वाचनमा विद्युतीय मेसिनको प्रयोग गर्न सकिने वा नसकिनेबारे चर्चा भइरह्यो । तर आयोगले अझै पनि विद्युतीय मेसिनको प्रयोग गर्न नसक्ने बताएको छ । नेपालमा निर्वाचन भन्नासाथ पूर्वनिर्धारित मितिमा नहुने हो कि भन्ने आशंका उब्जिहाल्छ । तर यसपटक मंसिर १४ मा उपनिर्वाचन गर्नबाट कसैले रोक्न नसक्ने आयोगको दाबी छ । आयोगल उपनिर्वाचनको तयारी थालेसँगै दलहरु सम्बन्धित क्षेत्रमा कसलाई उम्मेदवार बनाउने भन्ने आन्तरिक छलफलमा जुटिसकेका छन् । सबैभन्दा बढि चासो प्रतिनिधिसभाको कास्की क्षेत्र नम्बर २ मा रहेको छ । उपनिर्वाचन हुनेमध्ये यो निर्वाचन क्षेत्र मात्रै प्रतिनिधिसभा सदस्यको निर्वाचन हुने ठाउँ हो ।

थप समाचार

विस्तृत शान्ति सम्झौताको १८ वर्षः युद्ध गर्ने नेताको जीवनशैली फेरियो,…

बालुवाटारमा ओली-देउवासहित कांग्रेस र एमालेका शीर्ष नेताहरू छलफलमा

प्रधानमन्त्री, मन्त्री र जनप्रतिनिधिले अनुमति नलिइ उपनिर्वाचनको प्रचारमा हिँड्न नपाउने

मेडिकल व्यवसायी दुर्गा प्रसाईं दोस्रो पटक पक्राउ, प्रधानमन्त्री ओलीविरुद्ध भ्रामक…

हिरासतमा रहेका रवि लामिछानेको बोलीले प्रहरी तनावमा,मौका पाउने बित्तिकै सरकारलाई…

नारायणगढ–बुटवल सडकको ठेक्का सम्झौता रद्ध गर्ने प्रधानमन्त्रीको चेतावनी