काठमाडौं २९ साउन । सत्तारूढ दल नेपाल कम्युनिस्ट पार्टी (नेकपा) को सचिवालय बैठक बुधबार बस्दै छ । प्रधानमन्त्री तथा पार्टी अध्यक्ष केपी ओली सिंगापुरबाट उपचार गरेर फर्के पछि आज पहिलो पटक बैठक बस्न लागेको हो । यसअघि हिजो मंगलबार बस्ने भनिएको बैठक तयारी नपुगेको भन्दै बुधबारका लागि सारिएको थियो । बैठक प्रधानमन्त्री निवास बालुवाटारमा बस्ने तयारी छ । बैठकमा केन्द्रीय विभाग, केन्द्रीय कमिटी सदस्यको कार्य्विभाजन लगायतका विषयमा छलफल हुनेछ । यी विषयमा सल्लाह गरी परिमार्जित प्रस्ताव ल्याउन सचिवालय सदस्यलाई निर्देशन दिइएको थियो । अन्य विभागमा सहमति भएपनि स्कुल विभागमा कुरा नमिल्दा सचिवालय बैठक पटक–पटक स्थगित हुँदै आएको छ । पार्टी एकताको एक वर्ष पूरा भए पनि अझै प्रक्रिया सकिएको छैन । अहिलेसम्म प्रदेश र जिल्ला कमिटी गठन भइसकेका छन् भने पोलिटब्युरो गठन, केन्द्रीय कमिटीको कार्य्विभाजन, जनवर्गीय संगठनको कमिटीलाई पूर्णता दिन बाँकी नै छ । राष्ट्रिय परिषद्, केन्द्रीय सल्लाहकार समिति, केन्द्रीय आयोग, ज्येष्ठ कम्युनिस्ट मञ्च, केन्द्रीय विभाग गठन समेत हुन सकेको छैन् ।
क्याटेगोरी : प्रमुख समाचार, ब्रेकिंग न्युज, राजनीति, समाचार
ट्याग : #nekapa
थप समाचार
ताजा खबर
- १स्वास्थ्य विमा मार्फत उपाचार पाउनै मुस्किल, विमा बोर्डसँग उठाएको पैसाको तथ्यांक नै छैन्
- २काँग्रेसको अधिवेशनको कार्यतालिकामा फेरि हेरफेर
- ३दल बिभाजन अध्यादेशलाई प्रतिस्थापन गर्न बिद्येयक ल्याइदैं, मन्त्रिपरिषद बिस्तार बिहिबार
- ४कांग्रेस सांसद डा.नारायण खड्का परराष्ट्रमन्त्री बन्दै
- ५धादिङे चेलिको आमा गीत सार्वजनिक
तपाईको कमेन्ट लेख्नुहोस्