किन रोकिएको छ मलेसियामा कामदार जान

काठमाडौं १७ साउन । सरकारले आर्थिक वर्ष २०७५–७६ मा बैदेशिक रोजगारमा युवा पठाउन भन्दै विभिन्न देशसँग श्रम सम्झौता गरेको छ । तर सम्झौता गरेको महिनौ बितिसक्दा पनि त्यसको कार्यान्वयन हुन सकेको छैन । यसले वैदेशिक रोजगारीको आशामा बसेकाहरुलाई मारमा परेको छ । श्रम, रोजगार तथा सामाजिक सुरक्षा मन्त्रालयले गत आर्थिक वर्षमा मलेसिया लागि नेपाली श्रमिक पठाउन सम्झौता पत्रमा हस्ताक्षर गरेको थियो । तर, श्रम सम्झौता भएको ९ महिना वितिसक्दा पनि नेपाली कामदार मलेसिया जान सकिरहेका छैनन् । सम्झौता भएको महिनौ वितिसक्दा पनि मन्त्रालयका अधिकारी भने कामदार पठाउने विषयबारे छलफलमै व्यस्त रहेको बताउछन् । कामदार विदेश पठाउने विषयमा श्रम, रोजगार तथा सामाजिक सुरक्षा मन्त्रालयका प्रवक्ता डाक्टर नाराण रेग्मीको रेडिमेट जवाफ छ हामी चाँडै सबै व्यवस्था गर्छौँ । मन्त्रालयका अधिकारीले यस्तो गैरजिम्मेवार जवाफ दिई रहदाँ रोजगारी पाईने आशमा बसेका नेपाली कामदारहरु निरास भैरहेका छन् । श्रमिक लिने र दिनेबीच सम्झौता भएपनि अन्य विषयमा छलफल गर्नुपर्ने भएका कारण श्रमिक आपूर्ति गर्ने विषयमा केही समय ढिलाइ भएको श्रम मन्त्रालयका अधिकारीको जिकिर छ । पछिल्लो १४ महिना देखि भने नेपाली कामदार मलेसिया गएका छैनन् । मलेसिया र नेपालबीच गएको कात्र्तिक १२ गते सरकारी स्तरिय श्रम सम्झौता भएको थियो । मलेसियामा लामो समयदेखि नेपाली कामदार कामकालागि जाने भएपनि यस अघि सरकारी स्तरमा दुई देशविच कुनै किसिमको सम्झौता थिएन । श्रमिक आपूर्ति गदै आएको लामो समयपछि मलेसियासँग श्रम सम्झौता भएको र अब सबै प्रकृया सुरक्षित हुन्छ भन्ने आशाले खुशी रहेका कामदारहरुलाई भने सम्झौता कार्यान्वयनमा सरकारले ढिलाई गर्दा मर्का परेको छ ।

थप समाचार

‘लुटतन्त्र‘ सच्याउने मोडमा छौँ, इमान्दार व्यवसायी डराउनु पर्दैनः अर्थमन्त्री स्वर्णिम…

सरकारको कार्यशैलीप्रति गगन थापाको प्रश्नः ‘हाम्रो नम्रतालाई कमजोरी नठानियोस्’

सरकारले एकपछि अर्को जनविरोधी काम गरिरहेको छः माधवकुमार नेपाल

बल्खुका सुकुम्बासीको आक्रोशः विकल्प र पूर्वजानकारी बिना नै बस्ती हटाइएको…

सुकुम्बासीको ‘स्क्रिनिङ’:  १ सय ६४ जनाले बुझाए विवरण

सरकारले नै विस्थापित सुकुम्वासीलाई आज र भोलि खानाको व्यवस्था गर्ने