गोरखाको ओढारमा भेटियो १६ किलो सुन

गोरखा ९ साउन । जिल्लाको धार्चे गाउँपालिका ३ खोर्लाबेशीमा ओढारमा लुकाइएको १६ किलो सुन भेटिएको छ । चुमनुब्री गाउँपालिका हुल्चुकका ब्यापारी धनकमल गुरुङले ओढारमा ढुंगामुनि लुकाएर राखेको अवस्थामा १६ किलो सुन प्रहरीले बरामद गरेको हो । काठमाडौंमा पक्राउ परेका ब्यापारी धनकमललाई गोरखा पु¥याएपछि ओढारमा सुन देखाएको प्रहरीले जनाएको छ । ढुंगामुनि झोलाभित्र हाते रुमालले बेरेर १६ वटा बिस्कुट आकारको सुन बरामत गरिएको हो । असार ११ गते राति खच्चडलाई सुन बोकाएर गोरखाको उत्तरी सीमानाबाट धार्चे गाउँपालिकाको माछाखोलातर्फ आउँदै गर्दा लुटेरा समूहले आक्रमण गरेको थियो । त्यसपछि धनकमल सम्पर्कविहीन भएका थिए । धनकलम हराएको जानकारी पछि उनलाई प्रहरीले खोजीरहेको थियो ।