त्रिभुवन बिमानस्थलको धावनमार्गमा यतीको जहाज चिप्लियो, उडान अवरुद्ध

खोज पत्रिका शुक्रबार, २०७६ असार २७, ०५ :५७ बजे

काठमाडौं २७ असार । नेपालगञ्जबाट काठमाडौ आएको यती एयरलाइन्सको विमान त्रिभुवन अन्तर्राष्ट्रिय विमानस्थलको धावनमार्गमा अवतरणका क्रममा चिप्लिएको छ । नेपालगञ्जबाट यात्रु बोकेर आएको यती एयरलाइन्सको एटीआर–७२ को जहाज शुक्रबार धावनमार्गमा चिप्लिएको हो । यात्रुलाई सकुशल बाहिर निकालिएको बिमानस्थलले जानकारी दिएको छ । विमानमा कति यात्रु थिए भन्ने खुलेको छैन ।धावन मार्गमै जहाज चिप्लिएपछि अहिले विमान उडान अवरुद्ध बनेको छ । वर्षा जारी रहेकाले अवरुद्ध विमानस्थल सञ्चालनमा आउन अझै केही समय लाग्ने जनाइएको छ ।

क्याटेगोरी : प्रमुख समाचार, ब्रेकिंग न्युज
ट्याग : #biman durghatana