पहिलो पटक त्रिवि शिक्षण अस्पतालमा कलेजो प्रत्यारोपण

काठमाडौं १८ जेठ । त्रिवि शिक्षण अस्पतालमा पहिलोपटक कलेजोको सफल प्रत्यारोपण भएको छ। अस्पतालका कलेजो प्रत्यारोपण सर्जन डाक्टर रमेशसिंह भण्डारीको नेतृत्वको टोलीले शुक्रबार ५८ वर्षका बिरामीमा कलेजो प्रत्यारोपण गरिएको हो । डाक्टर भण्डारीले लिभर सिरोसिस भएर कलेजो बिग्रिका ५८ वर्षका बुवालाई ३३ वर्षकी छोरीले कलेजो दान गरेको जानकारी दिए । शल्यक्रियामा डाक्टर, नर्स तथा स्वास्थ्यकर्मीसहित करिब ५० जनाको टोली सहभागी भएको थियो। सर्जरीमा डाक्टर भण्डारीको नेतृत्वमा १२ जना डाक्टर सामेल थिए। उनले प्रत्यारोपणका लागि १२ देखि १३ घण्टा लागेको समेत बताए। डाक्टर भण्डारीले अब नियमित रुपमा कलेजो प्रत्यारोपण गर्ने पनि बताए । कलेजो प्रत्यारोपण कै लागि भनेर बिरामी देश बाहिर जानु पर्ने अवस्थाको अन्त्य भएको पनि उनको भनाई थियो । त्यसैगरी, डाक्टर भण्डारीको टोलीलाई सघाउन भारतस्थित अपोलो अस्पतालबाट टोली आएको थियो। अस्पतालमा पहिलो पटक कलेजो प्रत्यारोपण भएको हो। यसअघि भक्तपुरस्थित मानव अंग प्रत्यारोपण केन्द्रमा कलेजो प्रत्यारोपण भएतापनि केन्द्रले प्रत्यारोपणलाई निरन्तरता दिन सकेको छैन।

थप समाचार

अस्पतालमा पीडितको गुनासोः कि सास कि लास भेट्न पाए हुन्थ्यो,…

भोटेकोशी बाढीमा उद्धार र शव ब्यवस्थापनबारे सरकारमाथि प्रश्न, प्रधानमन्त्रीले दिए…

कांग्रेसमा संस्थापन इतर समूहको छुट्टै १५ औं महाधिवेशन, गगनको छुट्टै…

संसदमा बालेनः मन भक्कानिँदा पनि एकआपसमा बिलौना गर्ने समय छैन्

क्लिन अप नेपालको १३औँ साधारणसभा सकियो, पारदर्शिता र जवाफदेहितामा जोड

अमेरिका फर्किदैं धुर्मुसले लेखे– १८ करोड ऋणको भारी बोकेर मातृभूमि…