प्रधानमन्त्री ओली भारतीय समकक्षी मोदीलाई बधाई दिन भारत जाँदै

काठमाडौं १६ जेठ । प्रधानमन्त्री केपी शर्मा ओली दोस्रो कार्यकालका लागि भारतीय प्रधाानमन्त्रीमा निर्वाचित नरेन्द्र मोदीलाई बधाई दिन भारत जाँदैछन् । भारतीय प्रधानमन्त्री मोदीको सपथ समारोहमा प्रधानमन्त्री ओली नयाँ दिल्ली जाने भएका छन्। बिमस्टेक राष्ट्रका सरकार प्रमुख तथा राष्ट्रप्रमुखहरुलाई निम्ता गर्ने क्रममा प्रधानमन्त्री ओलीलाई सपथग्रहण समारोहमा सहभागी हुन निम्तो आएको थियो । प्रधानमन्त्री ओलीले शुक्रबार भारतीय राष्ट्रपति रामनाथ कोविंन्दसँग शिष्टाचार भेटवार्ता गर्नेछन् । भारतीय लोकसभा निर्वाचनमा भाजपा एक्लैले ३०३ सिट र भाजपा गठबन्धनले ३ सय ५३ सिट प्राप्त गरेपछि नरेन्द्र मोदीले भारतीय प्रधानमन्त्रीका रुपमा दोस्रो पटक सपथ लिन लागेका हुन्।