भारतमा लोकसभा चुनावमा नरेन्द्र मोदीको ऐतिहासिक जित, खराब नियत राखेर कुनै काम नगर्ने दाबी

काठमाडौं १० जेठ । भारतको लोकसभा चुनावमा नरेन्द्र मोदी गठबन्धनले ऐतिहासिक सफलता पाएको छ । यो चुनावको परिणामसँगै भारतमा फेरि ५ वर्ष मोदी शासन पक्का भएको छ । जारी मतगणनाले भाजपा एक्लै बहुमत र एनडीए गठबन्धन ३ सय ४८ सिटमा जित देखाएको छ । चुनावमा पश्चिम बंगालमा भाजपाले ऐतिहासिक सफलता पाएको छ भने उत्तर प्रदेशमा महागबन्धनलाई क्षति पुगेको छ । नितिशकुमारको साथ पाएपछि भाजपाले विहारमा पनि आफ्नो बलियो उपस्थिति कायमै राखेको छ । मोदीको गृह प्रदेश गुजरातमा भारतले क्लिन स्वीप गर्‍यो । भाजपाले मध्यप्रदेशमा २९ मध्ये २८ र राजस्थानमा २५ मध्ये २४ सिटमा जिन्मुख छ । तमिलनाडूमा भने यो पटक मोदीको जादू चलेन । त्यहाँ उसले एक सिट पनि नजित्ने देखिएको छ । केरालामा पनि भाजपाले एक सिट पनि जित्न सकेन । लोकसभा चुनावमा पाएको ऐतिहासिक सफलतासँगै भाजपा कार्यकर्ताले देशभर खुसी मनाएका छन् । दिल्लीस्थित मुख्यालयमा भएको कार्यक्रममा प्रधानमन्त्री मोदी र भाजपा अध्यक्ष अमित शाहले सम्बोधन गरे । मोदीले यो आफ्नो नभई लोकतन्त्रको जित भएको बताए । साथै दोस्रो पटक जितेपछि अम्रता नगुमाउने बताए । त्यस्तै, कांग्रेसले २०१४ को तुलानामा केही सिट बढी जितेको छ । तर, मोदीको विजय रथ रोक्न अध्यक्ष राहुल गान्धी पूर्ण रुपमा असफल भएका छन् । उनले हार स्वीकार गर्दै प्रधानमन्त्री नरेन्द्र मोदीलाई बधाई दिए । पत्रकार सम्मेलन गर्दै राहुलले चुनावी हारको जिम्मेवारी आफूले लिने जानकारी दिए । तर, विचारधाराको लडाई जारी रहेको भन्दै विचलित नहुन पार्टीका नेता र कार्यकर्तालाई आग्रह गरे । राहुल आफैं अमेठीमा भारतीय जनता पार्टीका उम्मेदवार स्मृती ईरानीसँग पराजित भएका छन् । यद्यपि अर्को क्षेत्रबाट चुनाव जितेका उनी लोकसभामा हुनेछन् । उनले अमेठीका जनताको निर्णयलाई सम्मान गर्ने बताए । कांग्रेस ५१ सिटमा जित उन्मुख छ । २०१४ को चुनावमा उसले ४ सिट जितेको थियो । यो पटक साना ठूला गरी १७ राज्यमा कांग्रेस शुन्य रहृयो ।लोकसभा चुनाव २०१९मा भारतीय जनता पार्टीले प्रचण्ड जित निकाल्दै यसअघिको भन्दा पनि ठूलो बहुमत प्राप्त गरेको छ । नरेन्द्र मोदी लगातार दोस्रो पटक भारतको प्रधानमन्त्री बन्नेछन् । निर्वाचन आयोगले ५०२ सिटमा जित हासिल गर्ने उमेद्वार घोषणा गरिसकेको छ । जसमा भाजपाका २८८ उमेद्वार विजयी भएका छन् । १५ सिटमा भाजपाका उमेद्वारको अग्रता कायम छ । कांग्रेसले ५० सिट जितेको छ । २ सिटमा कांग्रेस उमेद्वार अगाडि छन् । शिवसेनाले १७, एनसीपीले पाँच, टीआएसले ९ तथा जनता दल यूनाइटेटले १६ सिट जितेका छन् । भाजपाले राजस्थान, गुजरात, हरियाणा र दिल्लीमा क्लीन स्वीप गरेको छ भने उत्तर प्रदेश, महाराष्ट्र र बिहारमा बहुचर्चित विपक्षी गठबन्धलाई परास्त गरेको छ ।
पश्चिम बंगाल र ओडिशामा पार्टीले सर्वश्रेष्ठ प्रदर्शन गरेको छ । चुनावी विजयपछि नरेन्द्र मोदीले दिल्ली स्थित भाजपा मुख्यालयमा कार्यकर्तालाई सम्बोधन गरेका थिए । उनले यो जित लोकतन्त्रको इतिहासको सबैभन्दा ठूलो घटना रहेको उल्लेख गर्दै बदनियतले कुनै काम नगर्ने सबैलाई आश्वासन दिएका छन् ।

थप समाचार

सडकमा हिड्दा हिड्दै कांग्रेस केन्द्रीय सदस्य अजयबाबु शिवाकोटी पक्राउ

बढ्यो पेट्रोल र डिजेलको मूल्य

मनकामना केबलकार असोज २९, ३० र कात्तिक १ गते बन्द

एमालेलाई मिनबहादुरको १० रोपनी जग्गा दान, शिलान्यास गर्ने ओलीमाथि उठ्यो…

सहकारीको एउटै प्रकरणमा सरकारको विभेद, कोही जेल कोही खुलेआम चुनौति…

राजतन्त्र विस्थापित भएको १६ बर्षसम्म पनि किन डराउछन् पूर्वराजासँग नेताहरु…