डाक्टरको काम आन्दोलन कि उपचार ?

काठमाडौं २५ चैत । सरकारी अस्पतालका चिकित्सक यतिबेला बिरामीको उपचार गर्न छोडेर आन्दोलनमा छन् । उनीहरुले स्वास्थ्य क्षेत्रको कर्मचारी समायोजनमा असन्तुष्टि जनाउँदै सरकारी स्वास्थ्य संस्थामा कार्यरत डाक्टरले आकस्मिक बाहेकको स्वास्थ्य सेवा बन्द गराएका छन् । जसले बिरामी उपचार नपाएर छटपटाई रहेका छन् भने डाक्टर आन्दोलन गरिरहेका छन् । सबै प्रदेशमा समान तरिकाले डाक्टर खटाएर समायोजन गर्नुपर्ने आफ्नो माग सरकारले सुनुवाई नगरेपछि शुक्रबारदेखि सरकारी स्वास्थ्य संस्थामा आकस्मिक बाहेकको सेवा बन्द ठप्प छन् । गएको फागुन १८ गते गोदान र प्रधानमन्त्री केपी शर्मा ओलीबीच सबै प्रदेशसमा समान तरिकाले डाक्टर पठाउने सहमति भए पनि ब्यवहारमा त्यस्तो नभएको उनीहरुको गुनासो छ । आफ्नो माग पूरा नहुँदासम्म आकस्मिक बाहेकका सेवा बहिष्कार गर्ने संघले जनाएको छ । देशभर झण्डै १४ सय सरकारी डाक्टर छन् । सरकारी डाक्टरले आ–आफ्नो स्वास्थ्य संस्थामा दबाबमुलक कार्यक्रम सञ्चालन गर्ने पनि जनाएका छन् । यसअघि संकलन गरिएका राजीनामा पत्रसमेत सरकारलाई बुझाउने उनीहरूको कार्यक्रम छ । पटक पटकको बिभिन्न बाहना र मागमा डाक्टर नै आन्दोलनमा उत्रिन थालेपछि उनीहरुको काम के हो भन्ने प्रश्न बिरामीहरुले गर्दे आएका छन् ।

थप समाचार

सरकारले नै विस्थापित सुकुम्वासीलाई आज र भोलि खानाको व्यवस्था गर्ने

हेडसरलाई थर्काएको रास्वपा सांसद विश्वराज पोखरेलको भिडियो भाइरल, चौतर्फी आलोचना

चल्यो सुकुम्बासी बस्तीमा डोजर,सरकारलाई सघाउदै निस्किए सुकुम्बासी, ५ स्थानमा बासस्थान

जानकी नवमीः मिथिलाको गौरव र माता जानकीको प्रादुर्भाव

रविलाई हर्कले सोधे–सुकुमबासीलाई धनीपूर्जा दिने बाचा गरेर चुपचाप घण्टीमा छाप…

वैशाख ११ अर्थात् लोकतन्त्र दिवस