सरकारले संघीयतामा विश्वास नगरेको कांग्रेस महामन्त्री कोइरालाको आरोप

भक्तपुर २३ चैत । नेपाली कांग्रसका महामन्त्री डाक्टर शंशाक कोइरालाले केपी ओली सरकारले संघीयतामा विश्वास नगरेको आरोप लगाएका छन् । नेपाली कांग्रेस मध्यपुर थिमि नगर समितिले गरेको शुभकामाना आदान प्रदान कार्यक्रममा महामन्त्री कोइरालाले सरकारले प्रदेश र स्थानीयलाई दिनुपर्ने अधिकार आफैमा राखेर संघीयता कमजोर बनाउन लागेको आरोप लगाएका हुन् । उनले ‘मुलुक अप्ठ्यारो अवस्थामा पुगेको बेला दुई तिहाईको सरकार सबै अधिकार आफैं राख्ने प्रयत्न गरिरहेको बताए । महामन्त्री कोइरालाले सरकारले ठोस योजना ल्याउन नसकेको भन्दै सरकारले एक बर्षमा केही गर्न नसकेको बताए । कोइरालाले गुट उपगुटले पार्टी कमजोर हुँदै गएको स्वीकार गर्दै कांग्रेस एकतावद्ध गरेर अघि बढाउन सके आगामी निर्वाचनमा मुलुकको ठूलो दल बन्ने दाबी गरे । कार्यक्रममा नेपाली कांग्रेसका केन्द्रीय सदस्य एवम् केन्द्रीय अनुशासन समितिका संयोजक भिष्मराज आङ्दम्बेले सञ्चार क्षेत्र र सुरक्षा सम्बन्धमा सरकारले पेश गरेको विधेयकले सरकार एकदलिय अधिनायकवादतर्फ उन्मुख भएको आरोप लगाएका थिए ।

थप समाचार

३१ वर्षदेखि थन्किएको सरकारी जग्गासम्बन्धी प्रतिवेदन कार्यान्वयन गर्ने सरकारको निर्णय

सरकारलाई ट्रेड युनियन हटाउने बाटो खुल्यो, अन्तरिम आदेशले पाएन निरन्तरता

आकु ब्रान्डको पानी, उपभोक्ताको स्वास्थ्यमा मनोमानी, भेटियो खतरनाक अखाद्य वस्तु

जेनजी आन्दोलनका ४५ बलिदानीको कथा समेटिएको ‘अधुरा सपना’ पुस्तक विमोचन

संसद अवरोध हटाउन सभामुखलाई सकस, प्रधानमन्त्रीको जवाफ माग्दै प्रतिपक्षको निरन्तर…

करका दर हेरफेरको विषयमा संसदीय छानविन गर्न राप्रपाको माग