चौतर्फी दवावपछि बिप्लवले बन्द फिर्ता लिए

काठमाडौं १३ चैत । बिभिन्न सरोकारवाला निकायले बिरोध जनाएपछि विप्लवले १६ गतेको लागि आह्वान गरेको नेपाल बन्द फिर्ता लिएको छ । नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीले चैत १६ गते शनिबारको लागि आह्वान गरेको नेपाल बन्द फिर्ता लिएको हो । बुधबार साँझ नेकपाले एक विज्ञप्ति जारी गर्दै बन्द फिर्ता लिएको हो । पार्टीका महासचिव विप्लवले सोमबार मात्रै एक विज्ञप्ति जारी गर्दै आन्दोलनका कार्यक्रमहरु सार्वजनिक गरेका थिए । सरकारी प्रतिबन्ध र दमनका विरुद्व नेकपाले बन्दसहितका आन्दोलनका कार्यक्रमहरु घोषणा गर्दै वर्तमान सरकारलाई चैत मसान्तसम्मको ‘अल्टिमेटम’ समेत दिएको थियो । नेकपाले नेपाल बार एसोसियसनको आग्रहमा बन्द फिर्ता लिएको हो । यही चैत १६ गते नै बारको निर्वाचन हुँदैछ । बन्दका कारण निर्वाचन प्रभावित हुने भन्दै बारले नेकपालाई बन्द फिर्ता लिन आग्रह गरेको थियो । बिप्लवले सरकारलाई चैतभित्र लगाइएको प्रतिबन्ध हटाउन समेत चेतावनी दिएको छ । तर, सरकारले ठाउँ ठाउँबाट नेता तथा कार्यकर्तालाई पक्राउ गरिहेको छ ।

थप समाचार

रसुवा बाढीः प्रभावकारी उद्धारका लागि कांग्रेसले गरायो सरकारको ध्यानाकर्षण

रसुवामा बाढीः उद्धार र राहतमा सहभागी हुन नेता–कार्यकर्तालाई प्रचण्डको निर्देशन

धादिङको त्रिशूली नदीमा २ जनाको शव भेटियो

रसुवा बाढीमा ६ जना चिनियाँ नागरिकसहित १८ जना सम्पर्कविहीन, ९…

स्पेनी लगानीकर्तासँग प्रधानमन्त्री ओलीले भने, नेपालमा लगानी गर्नुस्

पत्रकार दिलभूषण पाठक जिल्ला अदालत उपस्थित