उपसभामुखमा रुबीकुमारी ठाकुर निर्वाचित,यस्तो छ सेवा सुविधा

खोज पत्रिका शुक्रबार, २०८२ चैत्र २७, १९ :१९ बजे

काठमाडौं । प्रतिनिधिसभाको उपसभामुख पदमा श्रम संस्कृति पार्टीकी रुबीकुमारी ठाकुर निर्वाचित भएकी छन् । शुक्रबार भएको निर्वाचनमा राप्रपाकी सरस्वती लामालाई पराजित गर्दै रुबीकुमारी निर्वाचित भएको सभामुख डीपी अर्यालले सभालाई जानकारी गराएका हुन ।

रुबीकुमारीलाई उनको दल श्रम संस्कृतिसँगै सत्तारुढ दल रास्वपा, नेपाली कांग्रेस र नेकपाको समर्थन थियो । राप्रपाले भने एकल प्रतिस्पर्धा गरेको हो । नेकपा एमालेले भने यो निर्वाचनमा भाग लिएन ।

आज सदनमा २५६ सांसद उपस्थित थिए । यीमध्ये ले रुबीकुमारीलाई उपसभामुख बनाउने पक्षमा २२९ जनाले मतदान गरे । उनको विपक्षमा ५ जनाले मतदान गरे भने २२ जना तटस्थ बसे । राप्रपाकी सरस्वतीको पक्षमा जम्मा ५ मत खस्यो ।

के-के छन् सुविधाहरू ?

उपसभामुखको सुविधाका लागि ‘संघीय संसद्का पदाधिकारी तथा सदस्यहरूको पारिश्रमिक र सुविधासम्बन्धी ऐन, २०७३’ मा व्यवस्था गरिएको छ। उक्त ऐनको अनुसूची–१ र अनुसूची–२ मा यसबारे व्यवस्था छ। जसअन्तर्गत पहिलो अनुच्छेदमा तलब तथा अन्य आर्थिक सुविधा र दोस्रो अनुच्छेदमा अन्य सुविधाहरू समावेश गरिएका छन्।

पारिश्रमिक तथा भत्ता

पारिश्रमिक : ६०,९७० रूपैयाँ (प्रतिमहिना)
विशेष भत्ता : १,००० रूपैयाँ (प्रतिमहिना)
बैठक भत्ता : १,००० रूपैयाँ (प्रतिबैठक)
भ्रमण भत्ता : २,५०० रूपैयाँ (दैनिक – स्वदेश वा विदेश भ्रमण गर्दा, प्रतिनिधिमण्डलको नेताको रूपमा जाँदा थप ५० प्रतिशत)

२. आवास, सञ्चार र इन्धन सुविधा

आवास सुविधा : सरकारी आवासगृह सुविधा (त्यो उपलब्ध हुन नसकेमा २५,६०८ रूपैयाँ प्रतिमहिना)

सञ्चार सुविधा : ३,००० रूपैयाँ (प्रतिमहिना)
बिजुली/धारा : बिलअनुसारको रकम
सवारीसाधन : १ वटा सवारीसाधन उपलब्ध गराइने
सवारी इन्धन : २३० लिटर (प्रतिमहिना)
मोबिल : ५ लिटर (त्रैमासिक)

३. निजी सचिवालय तथा अतिथि सत्कार

निजी सचिवालय बन्दोबस्त : १,७५० रूपैयाँ (प्रतिमहिना)
फर्निचर खर्च : १५,००० रूपैयाँ (आवासमा फर्निचर व्यवस्था नभएको खण्डमा एक कार्यकालका लागि एकपटक)
अतिथि सत्कार : २,००० रूपैयाँ (प्रतिमहिना)
कम्प्युटर अपरेटर : १ जना (नासुसरह)
सवारी चालक : २ जना
कार्यालय सहयोगी : २ जना
प्रिन्टरसहितको कम्प्युटर : १ थान
साइकल : २ वटा

४. सुरक्षा व्यवस्था

गार्डघर : १,७५० रूपैयाँ (प्रतिमहिना)

अंगरक्षक : १ जना

बिल्लादार गार्ड : १ जना

सैनिक जवान (सिपाही) : १० जना

५. स्वास्थ्य उपचार, बीमा र आर्थिक सहायता

उपचार सुविधा : संसद् सचिवालयमा वरिष्ठ चिकित्सकको निःशुल्क सेवा। अस्पताल भर्ना हुनुपरेमा सिफारिसअनुसारको खर्च सचिवालयले व्यहोर्ने।
यात्रा बीमा : प्रतिभ्रमण १० लाख रूपैयाँ
मृत्यु भएमा आर्थिक सहायता : पदावधि कायम रहेकै अवस्थामा मृत्यु भएमा परिवारलाई एकमुस्ट दुई लाख रूपैयाँ।
अशक्त भएमा आर्थिक सहायता : शारीरिक वा मानसिक रूपले अशक्त भई पदमा रहन असमर्थ भएमा एकमुस्ट ५० हजार रूपैयाँ।

६. अन्य सुविधा

रातो पासपोर्ट : सरकारी कामको सिलसिलामा विदेश जाँदा कूटनीतिक राहदानी (रातो पासपोर्ट) दिइनेछ।

पेस्की सुविधा : कडा रोग लागि विदेशमा उपचार गर्नुपरेमा बढीमा एक वर्षको र सामान्य अवस्थामा बढीमा ३ महिनाको पारिश्रमिकबराबरको रकम पेस्की लिन सकिने ।

क्याटेगोरी : जीवनशैली, देश/दुनियाँ, प्रमुख समाचार, राजनीति, विचार/लेख, समाचार, सामाजिक सञ्जाल