अमेरिकी–इजरायली आक्रमणमा ६ सय भन्दा बढी इरानी विद्यालयहरू क्षतिग्रस्त

काठमाडौं । इरानी विदेशमन्त्री सैयद अब्बास अराघचीले शुक्रवार संयुक्त राज्य अमेरिका र इजरायलले फेब्रुअरी २८ देखि शुरु गरेको सैन्य कारबाहीमा इरानभर ६ सय भन्दा बढी विद्यालयहरू ध्वस्त भएको बताएका छन् ।

यसमा १ हजार भन्दा बढी विद्यार्थी र शिक्षकहरू मारिएका वा घाइते भएका छन् । जेनेभामा संयुक्त राष्ट्रसंघीय मानवअधिकार परिषद्को आकस्मिक बहसमा भिडियो लिंकमार्फत बोल्दै अराघचीले दक्षिण इरानी शहर मिनाबको एउटा प्राथमिक विद्यालयमा नियोजित आक्रमण भएको बताए ।

जसमा १७५ भन्दा बढी विद्यार्थी र शिक्षकहरूको मृत्यु भएको थियो । अराघचीले शजरेह तय्यबेह विद्यालयलाई निशाना बनाउनु युद्ध अपराध र मानवता विरुद्धको अपराध भएको र यसको सबैले कडा निन्दा गर्नुपर्ने र दोषीहरूलाई जवाफदेही बनाउनुपर्ने माग गरे । उनले आक्रमणकारीहरूले अन्तर्राष्ट्रिय मानवीय कानूनको व्यापक र व्यवस्थित रूपमा उल्लंघन गरेको आरोप लगाएका थिए ।

थप समाचार

एमाले अध्यक्ष केपी शर्मा ओली पक्राउ

पूर्वगृहमन्त्री रमेश लेखक पक्राउ

कार्की आयोगको प्रतिवेदन कार्यान्वयन गर्ने सरकारको निर्णय

४३ औं प्रधानमन्त्री बालेन्द्रको मन्त्रीमण्डलमा को को छन् ?

मंगलध्वनि र शंखनादपछि १२:३४ को शुभसाइतमा बालेनले लिए प्रधानमन्त्रीको शपथ

बालेन शाह प्रधानमन्त्रीमा नियुक्त