ओलीलाई समवेदना दिँदै बालेनः पिताजस्तो रक्षक, गुरु र देवता कोही छैन, पात्र एक, भूमिका अनेक

खोज पत्रिका शुक्रबार, २०८२ फाल्गुन २९, २० :५१ बजे

काठमाडौँ । राष्ट्रिय स्वतन्त्र पार्टीका वरिष्ठ नेता बालेन शाहले एमाले अध्यक्ष, पूर्वप्रधानमन्त्री केपी शर्मा ओलीका बुवाप्रति श्रद्धाञ्जलि अर्पण गरेका छन् ।

अध्यक्ष ओलीप्रति समवेदना प्रकट गर्दै बालेनले सामाजिक सञ्जालमार्फत आफूले केही समय अघि पिता गुमाएको स्मरण गरेका छन् ।

पिताको अनुपस्थितिले जिन्दगीमा कति रित्तोपन ल्याउँछ, कस्तो अपूरणीय अभाव ल्याउँछ भन्ने आफूले महसुस गरेको पनि उनले बताएका छन् ।

उनले लेखेका छन्, पिताजस्तो रक्षक कोही छैन, पिताजस्तो गुरु कोही छैन, पिताजस्तो देवता पनि कोही छैन । पात्र एक, भूमिका अनेक । ओलीका पिता मोहनप्रसादको आज ९७ वर्षको उमेरमा निधन भएको थियो ।