फागुन २१ गते एकै चरणमा निर्वाचनबारे प्रधानमन्त्री र एमाले अध्यक्ष ओलीको छलफल

काठमाडौं । सरकारले फागुन २१ गतेका लागि तय गरेको प्रतिनिधिसभाको निर्वाचन एकै चरणमा गर्ने गरी तयारी तीव्र पारेको छ । हिमाली करिब २३ वटा जिल्लामा चिसोका कारण हुन नसक्ने दलहरूको धारणाबीच सरकारले एकै चरणमा सबै ७७ जिल्लामा निर्वाचन गर्ने निष्कर्षसहित काम अघि बढाएको हो ।

बिहीबार नेकपा एमालेका अध्यक्ष केपी शर्मा ओली र प्रधानमन्त्री सुशीला कार्कीबीच करिब २ घण्टा लामो वार्ताका क्रममा निर्वाचन एकै चरणमा गर्ने कुरामा सहमति भएको हो । वार्तामा प्रधानमन्त्री कार्कीले ओलीसँग निर्वाचनको तयारी र देशको सुरक्षा अवस्थाबारे जानकारी गराएकी थिइन् ।

उनले निर्वाचनमा सुरक्षाका लागि कुनै कसर बाँकी नराख्ने बताउँदै एकै चरणमा सम्पन्न गर्ने उल्लेख गरेकी हुन । बुधबारदेखि ८० हजार सेना सडकमा निस्किएकाले शान्ति सुरक्षाको वातावरण बलियो रहेको निष्कर्षसहित उक्त तयारीलाई गति दिइएको छ ।

नेपाली कांग्रेस र नेकपा एमालेसहितका शीर्ष दलहरू पनि एकै चरणमा निर्वाचन हुनुपर्ने माग गर्दै आएका छन् । तर, प्रधानमन्त्री सुशीला कार्कीले भने हिमाली जिल्लाको अवस्था हेरेर दुई चरणमा गर्न सक्ने बताएकी थिइन् ।

बिहीबार बालुवाटारमा प्रधानमन्त्रीसँग भएको संवादपछि ओली पनि एकै चरणमा चुनाव गराउन सहमत भएपछि यो वातावरण बनेको हो । सरकारले सेना समेत सडकमा निस्किएसँगै ७७ जिल्लाका १६५ क्षेत्रमा एकसाथ निर्वाचन गर्ने गरी तयारी तीव्र पारेको हो ।

निर्वाचन आयोगले पनि अहिलेसम्म ५५ जिल्लाको मतपत्र छापिसकेको जनाएको छ । अब कांग्रेस, एमाले र नेकपासहितका दलहरू पनि तयार भएपछि निर्वाचन सर्ने र दुई चरणमा लैजाने सम्भावना सकिएको हो ।

थप समाचार

कांग्रेसले भन्यो– हामी कसैसँग चुनावी गठबन्धन गर्दैनौँ

कुलमानले भने–भाषण गरेर कोही प्रधानमन्त्री हुँदैन

एपस्टिनसँग बिताएको प्रत्येक क्षणप्रति मलाई पछुतो छः बिल गेट्स

रास्वपामा प्राइमरी इलेक्सनका नाममा पैसा असुली,धमाधम नेताहरुले छोड्दै पार्टी

रास्वपालक्षित प्रचण्डः सञ्जालमा हाहा र हुहु गरेर केही हुन्न

गगन थापाको सन्देश– बदलिएको कांग्रेसले सिद्धान्तसँग सम्झौता गर्दैन, सत्तामा जान…