शर्मिला तिमल्सिनाको रहर जिन्दगीको गजल संग्रह बजारमा

खोज पत्रिका आइतवार, २०८२ पुस ६, १७ :५२ बजे

काठमाडौं । शर्मिला तिमल्सिनाद्वारा रचित रहर जिन्दगीको नामक गजल सङ्ग्रह बजारमा आएको छ । रहर जिन्दगीको गजल सङ्ग्रहका गजलकार शर्मिला तिमल्सिनाले मातापिता , गुरुहरू, अग्रज र अनुजको प्रेरणाले रहर जिन्दगीको गजल सङ्ग्रह बजारमा ल्याएको जानकारी दिइन ।

विभिन्न पाठशालाहरूमा अभ्यास गरिएका विषयवस्तुमा समेटिएका ८५ वटा गजलहरू समावेश भएको उनले बताइन । तिमल्सिनाले आफ्नो गजल लेखाई बामे सर्ने क्रममा लेखिएका गजलहरु भएको दाबी गरिन ।

पहिलो लेख गोरखापत्रमा वि.सं.२०६० फागुन १८ गते सोमबार धादिङकी पिण्डेश्वरीदेवी शीर्षकमा लेख प्रकाशित भएपछि आफूलाई साहित्यमा ऊर्जा मिलेको तिमल्सिनाको भनाई छ ।

वरिष्ठ पत्रकार पुरुषोत्तम दाहालले साहित्यले समाज परिवर्तनमा सघाउ पुर्‍याउने र साहित्यकारहरू नै समाजको मार्ग निर्देशक भएको बताएका थिए । विगतको साहित्यिक क्षेत्रभन्दा अहिले परिवर्तन महसुस गरेपनि अहिले साहित्यिक क्षेत्रमा एआइले आफ्नो प्रभुत्व जमाउन थालेको उनको भनाई छ ।

अभिनव साहित्य समाजका सचिव परशुराम परासरले बहरमा लेखिएकोले गजल वाचन मात्र होइन गजल गेयत्मक बिधा भएकोले सहज रूपमा गाउन सकिने र यस गजल सङ्ग्रहमा शृङ्गारिक मात्र नभई राजनीतिक झुट, संसदीय खेल, नारीवादी चेत, सामाजिक र समसामयिक विषयमा समेटिएका गजल नै समेटिएको कुरा रहर जिन्दगीको गजल सङ्ग्रहलाई टिप्पणी गरेका थिए ।