प्रगतिवादी साहित्यले क्रान्ति र परिवर्तनको बाटो निर्धारण गर्ने घोषणा
ईश्वरचन्द्र ज्ञवालीद्वारा कवि सिलवाल सम्मानित
सुनसरी । धरानमा अखिल नेपाल लेखक सङ्घ एक नम्बर प्रदेश समितिले प्रगतिवादी कवि केशव सिलवालको एकल कविता वाचन र प्रतिनिधिमूलक कविता गोष्ठी गरिएको छ । कार्यक्रमको पहिलो सत्रमा प्रगतिवादी कवि केशव सिलवालको एकल कविता वाचन र दोस्रो सत्रमा प्रतिनिधिमूलक कविता गोष्ठी गरिएको थियो ।
वरिष्ठ सौन्दर्यचिन्तक, मार्क्सवादी विद्वान्, जनसांस्कृतिक महासङ्घ नेपालका इन्चार्ज तथा नेकपा माओवादी केन्द्रका केन्द्रीय सदस्य ईश्वरचन्द्र ज्ञवालीले कार्यक्रमको उद्घाटन गरेका थिए । ज्ञवालीले साहित्य, कला र संस्कृति देश र जनताको हितमा हुनुपर्ने बताए ।
उनले जनताका यावत जीविकाका समस्यालाई देखाउने, जनताका सत्रुहरूको भण्डाफोर गर्ने र देश र जनतालाई परिवर्तन र मुक्तिको दिशाबोध गराउने कामचाहिँ प्रगतिवादी साहित्यले गर्नुपर्ने बताएका थिए । उनले प्रगतिवादी कवि केशव सिलवाल जनताका पक्षमा कविता रच्न सक्षम कवि रहेको चर्चा गर्दे वाचित प्रतिनिधिमूलक कवितामाथि समेत आफ्नो धारणा राखेका थिए ।
त्यस्तै, जनसांस्कृतिक महासङ्घका केन्द्रीय अध्यक्ष भीम कुमाखीले केशव सिलवाल वर्तमान समयका अब्बल कवि रहेको चित्रण गर्दै हरेक विकृति र विसङ्गतिविरुद्ध प्रत्येक कविहरू जागृत हुनुपर्ने बताए । त्रिभुवन विश्वविद्यालयमा अध्यापन पेसामा संलग्न जनसांस्कृतिक महासङ्घ नेपालका केन्द्रीय महासचिव केशव सिलवाललाई प्रगतिवादी कविता लेखन क्षेत्रका प्रतिनिधिमूलक प्रतिभाका रूपमा चित्रण गरिएको छ ।
सिलवालले कविता लेखनका लागि उच्च साधनाको जरुरत रहेको जानकारी दिए । चिबेचरा,ङा चेपाङ, कमरेड स्याउला, तुइनमा उल्टो झुन्डिएर, जुत्ता र क्रान्ति, यो देश मेरो होइन रहेछ जस्ता ६ वटा कविता बाचन गरेका थिए । ललितपुर लेलेमा २०३० सालमा जन्मिएका कवि केशव सिलवालका बर्जित अवशेष असहमतिका स्वरहरू धारिला मानिसहरू र चिबेचरा जस्ता कविताकृति प्रकाशित भइसकेका छन्। कवि सिलवाललाई कार्यक्रममा सम्मान गरिएको थियो ।
क्याटेगोरी : देश/दुनियाँ, समाचार, साहित्य
थप समाचार
ताजा खबर
- १कांग्रेसको नयाँ नेतृत्व चयनका लागि आज मतदान, ७ हजार २५५ प्रतिनिधिले छान्दैछन् २९७ सदस्यीय कार्यसमिति
- २गगन थापाको घोषणा : कांग्रेसमा आजदेखि सबै गुट सकियो, अब कुनै समूह छैन
- ३रसायनशास्त्रतर्फको नोबेल पुरस्कार फ्रान्सका कागन र जापानका सोईलाई
- ४चोलेन्द्रको घरमा सम्पत्ति शुद्धीकरण अनुसन्धान बिभागको छापा
- ५कांग्रेस सभापतिको उम्मेदवारी फिर्ता गर्ने किशोरसिंह राठोरको घोषणा, गगन थापालाई समर्थन
त्रिपुरादेवी मिडिया नेटवर्क प्रा.लि.
सूचना विभाग दर्ता नं.: १८७८/२०७६-०७७
सम्पादकः बालकृष्ण शर्मा
सह–सम्पादकः दिपक अर्याल
इमेलः khojpatrika7@gmail.com
सम्पर्क नम्बरः ९८५११५११८६ /९८५१२११९१५
ठेगाना: किर्तिपुर,काठमाडौं
तपाईको कमेन्ट लेख्नुहोस्