गण्डकी सरकारविरुद्धको मुद्दा आज टुंगिने सम्भावना

खोज पत्रिका सोमवार, २०८१ जेष्ठ १४, ०९ :३८ बजे

काठमाडौं । गण्डकी प्रदेशका मुख्यमन्त्री खगराज अधिकारीविरुद्धको मुद्दाको टुङ्गो आज लाग्ने भएको छ । दुवै पक्षबाट बहस सकिएको छ भने आज जवाफी बहस हुने छ ।

जवाफी बहस सकिएपछि आजै आदेश आउने बताइएको छ । निवर्तमान मुख्यमन्त्री सुरेन्द्रराज पाण्डेले अधिकारीले प्राप्त गरेको विश्वासको मतमा बहुमत नपुगेको भन्दै सर्वोच्चमा रिट दिएका थिए ।

अधिकारीको पक्षमा ३० मत मात्रै परेको थियो । गण्डकीमा ६० जना सांसद छन् । संविधान अनुसार विश्वासको मतका लागि कम्तीमा ३१ सिट हुनुपर्छ ।

अधिकारीले पाएको मत संविधान अनुसार पर्याप्त नभएको भन्दै उक्त सरकारलाई हटाएर आफूलाई मुख्यमन्त्री बनाउन पाण्डेले दाबी गरेका छन् । मुद्दा न्यायाधीशद्वय कुमार रेग्मी र सुनिल कुमार पोखरेलको संयुक्त इजलासमा छ ।

क्याटेगोरी : जनगुनासो, प्रमुख समाचार, राजनीति, विचार/लेख, समाचार, सामाजिक सञ्जाल