भारतीय कांग्रेसका पार्टीका नेता राहुल गान्धीको सांसद पद जोगियो

खोज पत्रिका शुक्रबार, २०८० साउन १९, २० :३९ बजे

काठमाडौं । भारतीय कांग्रेसका पार्टीका नेता राहुल गान्धीको सांसद पद निलम्बन गर्ने निर्णय सर्वोच्च अदालतले फुकुवा गरेको छ । शुक्रबार भारतको सर्वोच्च अदालतले मोदी सरनेम मुद्दामा गान्धीलाई सजायमा रोक लगाएपछि उनको सांसद पद जोगिएको भारतीय सञ्चारमाध्यमहरूले जनाएका छन ।

सर्बोच्चका न्यायाधीशत्रय बीआर गवई, पीएस नरसिम्हा तथा संजय कुमारको संयुक्त इजलासले राहुल गान्धीलाई सजाय गर्नु नपर्ने आदेश दिएको हो । राहुल गान्धीको लवज राम्रा नभएको र सार्वजनिक जीवनमा कुनै पनि व्यक्तिलाई सार्वजनिक रूपमा केही बोल्नु अघि सचेत रहन भने अदालतले ध्यानाकर्षण गराएको छ ।

सन् २०१९ मा ‘मोदी सरनेम’को बयानलाई लिएर सूरतको तल्लो तहको अदालतले गान्धीलाई २ वर्षको सजाय सुनाएको थियो । उक्त फैसलाको २४ घण्टापछि लोकसभाले उनको सदस्यता खारेज गरिदिएको थियो । ‘चाहे जे सुकै होस मेरो कर्तव्य उही रहन्छ,’ गान्धीले अदालको फैसलापछि एक ट्वीट सन्देश मार्फत प्रतिक्रिया दिएका छन् ।

क्याटेगोरी : प्रमुख समाचार, राजनीति, विदेश, समाचार