प्रचार–प्रसारको अन्तिम दिन, मध्यरातदेखि मौन अवधि,मत माग्न दलहरुको दौडधुप !

काठमाडौं । बैसाख १० गते उपनिर्वाचन मुखैमा पुगेपछी बिभिन्न दलका शिर्ष नेताहरुले चुनाबी मैदानमै पुगेर आफ्ना उम्मेदवारका लागी भोट मागेका छन । चुनाबी परीणाम आफ्नो पक्षमा पार्न सत्तारुढ गठबन्धनबाट प्रधानमन्त्री पुष्पकमल दाहाल देखी पुर्वप्रधानमन्त्रीहरु शेर बहादुर देउवा र माधबकुमार नेपालसम्मका शिर्ष नेताहरु चुनाबी मैदानमा खटिएका छन । सत्तारुढ गठबन्धनबाट तनहु १ मा गोबिन्द भट्टराई, चितवन २ मा जितनारायण श्रेष्ठ र बारा २ मा उपेन्द्र यादव उम्मेदवार छन ।

प्रधानमन्त्री दाहाल, कांग्रेस सभापति देउवा र एकिकृत समाजवादीका अध्यक्ष नेपाल सहित अन्य शिर्ष नेताहरु चुनाबी मैदानमै पुगेर आमसभा र घरदैलो कार्यक्रम मार्फत मतदातासँग भोट मागीरहेका छन । बुधबार मात्र दाहाल, देउवा र नेपालले तनहुमा पुगेर गठबन्धनका साझा उम्मेदवार गोबिन्द भट्टराईका लागी भोट मागेका थिए । त्यसक्रममा प्रधानमन्त्री दाहालले भट्टराईलाई चुनाब जिताएर पठाए आफुले मन्त्री बनाउने तनहुबासीलाई आश्वासन दिएका छन ।

सत्तारुढ गठबन्धनका सिर्ष नेताहरुले चुनाब प्रचारको अन्तिम दिन बिहिबार चितवन र बारा पुगेर गठबन्धनका साझा उम्मेदवारलाई भोट मागेका छन । उनिहरुले चितवन निर्वाचन क्षेत्र नम्बर २ को कालिका नगरपालिका–४ पदमपुरस्थित क्याम्पसको फुटबल मैदानमा चार दलीय गठबन्धनले आयोजना गरेको चुनावीसभालाई सम्बोधन गरेका छन । सम्बोधनका क्रममा सत्ता गठबन्धनका साझा उम्मेदवारलाई भोट दिन आग्रह गरेका छन । सत्तारुढ गठबन्धनका सिर्ष नेताहरुले बारामा पुगेर समेत गठबन्धनका साझा उम्मेदवार उपेन्द्र यादवका लागी भोट मागेका छन ।

जनता समाजवादी पार्टीका अध्यक्ष समेत रहेका यादव गत वर्ष मंसिर ४ को चुनाबमा पराजित भएका थिए । यादवलाई जसरी पनी संसदमा ल्याउने रणनीतिमा रहेका सत्तारुढ गठबन्धनका सिर्ष नेताहरुले चुनाबी मैदानमै पुगेर मतदातासंग भोट मागेका हुन । त्यसोत नेकपा एमाले र राष्ट्रिय स्वतन्त्र पार्टीले समेत सिर्ष नेताहरुलाई मैदानमा खटाएर चुनाबी अभियानलाई आक्रामक बनाएका छन । चुनाबी प्रचारको अन्तिम दिन एमाले र रास्वपाले उपनिर्वाचन हुने तनहु १, चितवन २ र बारा २ का बिभिन्न्न ठाउमा चुनाबी सभा गरेका छन ।
रास्वपाको सभा
राष्टिय स्वतन्त्र पार्टीले चितवनमा बैसाख १० गतेको उपनिर्वाचनलाई लक्षित गर्दै अन्तिम चुनाबी सभा गरेको छ । उक्त चुनाबी सभालाई रास्वपाका शिर्ष नेताहरुसंगै उपनिर्वाचनका उम्मेदवारहरुले सम्बोधन गरेका छन् । सम्बोधनका क्रममा पार्टी सभापति तथा चितवन क्षेत्र नम्बर २ का उम्मेदवार रवि लामिछानेले चुनावमा आफ्नो जित सुनिस्चित रहेको बताएका छन । उनले चितवनमा मात्र नभएर उपचुनाब हुन लागेका तनहु १, बारा २ र चितवन २ मा पनी रास्वपाका उम्मेदवार पनी भारी मतातन्तरले बिजयी हुने ठोकुवा गरे ।

तनहु निर्वाचन क्षेत्र नम्बर १ का उम्मेदावर डा. स्वणीम वाग्ले पनी चुनाबी सभालाई सम्बोधन गर्न चितवन पुगेका थिए । चुनाबी सभालाई सम्बोधन गर्दै डा. वाग्लेले उप निर्वाचनमा रास्वापाले क्लिन स्विप गर्ने दाबी गरे । कांग्रेस छोडेर रास्वपा प्रबेस गर्दै तनहु १ का उम्मेदवार बनेका डा. वाग्लेले सम्बोधनका क्रममा आफ्नो पुर्व पार्टी नेपाली कांग्रेसको चर्को आलोचना गरे । चुनावी सभामा सहभागी हुन चितवन पुगेका रास्वपाका नेताहरुले पुराना पार्टीहरुबाट देशको विकास नहुने भन्दै चुनावमा सहयोग गर्न आग्रह गरेका छन् । निर्वाचन आयोगको तालिकाअनुसार बिहिबार मध्यरातपछि चुनावको प्रचारप्रसार गर्न पाइदैन । आयोगको तालिकाअनुसारै अन्तिम चुनावी सभाका लागि नेताहरु चितवन पुगेका हुन् ।
एमालेको सभामा ओलीको गर्जन
नेकपा एमालेका अध्यक्ष केपी शर्मा ओलीले देशको विकास गर्नका लागि एमाले उम्मेदवारहरुले चुनाव जित्नुपर्ने बताएका छन् । एमाले बाहेकका शक्तिहरुले देशको विकास गर्न नसक्ने उनको दाबी छ । चुनावी सभाका लागि बारा पुगेका अध्यक्ष ओलीले २० वर्षसम्म हुन नसकेको काम एमाले नेतृत्वको सरकारले तिनवर्षमा गरेको समेत दाबी गरे । अध्यक्ष ओलीले चुनावको प्रचार प्रसारमा सत्ता गठबन्धनका शिर्ष नेताहरुको देश दौडाहाको समेत आलोचना गरेका छन् । उनले अहिलेको सरकार कायमै रहे प्रहरीले पोशाक फेर्न नपाउने र वृद्धभत्ता समेत कटौती गर्ने दाबी गरेका छन् ।

ओलीले सूर्य चिन्ह एमालेको मात्रै नभएर सबैको भएको भन्दै कांग्रेसका कार्यकर्तालाई समेत मतदान गर्न आह्वान गरे । यसअघि चुनाव हुन लागेका अन्य जिल्लामा विरामी भएका कारण पुग्न नसकेका ओली बिहिबार भने बारा पुगेका हुन् । बैशाख १० गते हुने उपचुनावको प्रचार प्रसार गर्न पाइने अन्तिम दिन ओली बारा पुगेका हुन् । बारामा एमालेका तर्फबाट नेता पुरुषोत्तम पौडेल उम्मेदवार रहेका छन् । सत्ता गठबन्धनका तर्फबाट जसपा अध्यक्ष उपेन्द्र यादव र जनमत पार्टीबाट शिवचन्द्र कुशवाह समेत उम्मेदवार रहेका छन् ।

थप समाचार

कांग्रेसमा उठ्यो राज्यमन्त्री कान्छारामलाई हटाइएको विषय

लण्डनको थेम्स नदीमा भेटिएको शव नेपाली विद्यार्थी ओलीकै भएको पुष्टि

सभापतिमाथि लगाएको मुद्दामा दम छैन, सरकारको प्रतिशोध मात्रै होः सोबिता…

भारतले पाकिस्तानबाट हुने आयातमा लगायो पूर्ण प्रतिबन्ध

समाजवादको आधार तयार पारेर मात्रै दुनियाँबाट बिदा हुने संकल्प लिएको…

ओलीले सांसदहरूलाई भनेढुक्क रहनू, हाम्रा सबै नीति सही छन्