नयाँ वर्षको शुभकामना दिँदै सांसद चन्द्र भण्डारीले भने, निको भएर चाँडै फर्किन्छु

खोज पत्रिका शुक्रबार, २०८० बैशाख १, २० :५९ बजे

काठमाडौं । सांसद एवं नेपाली कांग्रेसका नेता चन्द्र भण्डारीले नयाँ वर्षको अवसरमा भिडियो सन्देशमार्फत आफू ठिक हुँदै गएको जानकारी दिएका छन् ।

नयाँ वर्षको अवसरमा शुभकामना दिँदै भण्डारीले आफू स्वास्थ्य लाभ गरिरहको उल्लेख गरेका छन् । गत फागुन ३ गते राति खाना पकाउने ग्यासको सिलिन्डर विस्फोट हुँदा उनी सहित आमा घाइते भएका थिए। आमाको फागुन ४ गते निधन भएको थियो भने उनी गम्भीर घाइते भएपछि सोही दिन उपचारका लागि भारत लगिएको थियो ।

झण्डै २ महिना लामो उपचारपछि उनी बोल्न र हिड्न सक्ने भएको बताइएको छ । उनले आफू उपचार सकेर चाँडै फर्किने पनि भिडियो सन्देशमा बताएका छन् ।

क्याटेगोरी : देश/दुनियाँ, प्रमुख समाचार, राजनीति, समाचार