ढाकाकुमार श्रेष्ठको सांसद पद चैट, रविले लामिछानेले गरे कारवाही (भिडियो सहित)

खोज पत्रिका बिहिबार, २०७९ चैत्र ३०, ०२ :१४ बजे

काठमाडौं । राष्ट्रिय स्वतन्त्र पार्टीले डाक्टर ढाकाकुमार श्रेष्ठलाई पार्टीको साधारण सदस्यबाटै निष्काशन गरेको छ। रास्वपाको बुधबार बसेको बैठकले उनको सांसद पद खारेज गर्ने र खाली हुने सांसद पदमा विन्दबासिनी कंसाकारलाई चयन गर्ने निर्णय गरेको हो ।

श्रेष्ठले आफू मन्त्री बन्न पार्टीमा रकम बुझाउनुपर्ने भन्दै व्यवसायी दुर्गा प्रसाईंसँग २ करोड रकम मागेको अडिओ बाहिरिएपछि बुधबार रास्वपाको पार्टी कार्यालयमा बसेको केन्द्रीय समिति बैठक बसेको थियो ।

पार्टी बैठकमा श्रेष्ठले रकम मागेको अडियो आफ्नो नभएको दावी गरेको बैठकपछि पत्रकारहरूसँग सभापति रवि लामिछानेले जानकारी दिए । आफूलाई फसाउन योजनाबद्ध रुपमा चुनावको छेक पारेर सम्पादित अडिओ बाहिर ल्याइएको दाबी उनको छ ।

सभापति लामिछानेले छानबिन समितिमा ढाकाले दिएको बयानका आधारमा उनी दोषी देखिएको बताए । उनले आफू डुबेमा पार्टी नै डुबाइदिन्छु भन्दैछन् भन्दै उनले बोली परिवर्तन गरेकाले भोलि जसको पनि नाम लिन सक्ने बताए । लामिछानेले भने–उहाँले दिएको सबै बयान हामीले रेकर्ड गरेका छौं । सांसद पद खारेज नगरियोस्, खारेज गरे म जसको नाम लिन सक्छु, सिध्याइदिन्छु भन्नुभएको छ ।