शिक्षाको बृहत्तर विकासको लागि जी–२० सम्मेलन उत्कृष्ट मञ्च: पञ्जाबका मूख्यमन्त्री

अमृतसर । पंजाबका मुख्यमन्त्री भगवन्त मानले शिक्षाको बृहत्तर विकासको लागि जी–२० सम्मेलन उत्कृष्ट मञ्च भएको बताएका छन् । उनले विशेष गरी राज्यको शिक्षा क्षेत्रलाई विकासको लागि यो सम्मेलन लाभदायिक भएको बताउका हुन् । पञ्जाबमा भएको जी–२० शिक्षा कार्यदलको दोस्रो बैठकलाई सम्बोधन गर्दै मुख्यमन्त्रीले यस शिखर सम्मेलनमा हुने छलफलले शिक्षाको स्तर उकास्ने मात्र नभई राज्यका युवालाई पनि फाइदा पुग्ने विश्वास व्यक्त गरेका थिए ।

उनले विश्व अर्थतन्त्रसँग सम्बन्धित प्रमुख समस्यालाई सम्बोधन गर्न जी–२० को अथक प्रयासले समग्र मुलुक र विशेषगरी राज्यको आर्थिक वृद्धिमा ठूलो टेवा पुग्ने विश्वास व्यक्त गरे । मानले शान्ति, समझदारी र अन्तर्राष्ट्रिय सहयोगको वातावरण प्रवर्द्धनका लागि जी— ले गरिरहेको ठोस प्रयासको पनि प्रशंसा गरे। उनले स्वास्थ्य र शिक्षा मानवीय र सामाजिक विकासको आधारशिला भएको बताउँदै यी दुई महत्वपूर्ण क्षेत्रलाई सुदृढ र विस्तार गर्न सरकार प्रतिबद्ध रहेको बताए ।

सरकारले आगामी आर्थिक वर्षमा विद्यालय र उच्च शिक्षाका लागि १७ हजार ७२ करोड रुपैयाँ विनियोजन प्रस्ताव गरेको मानले बताए । उनले आफ्नो सरकारले राज्य र अन्य देशका विद्यार्थीबीच ज्ञान आदानप्रदान सम्झौतालाई अभिवृद्धि गर्नेतर्फ केन्द्रित रहेको बताए । मानले विद्यार्थीलाई विश्वको सामाजिक आर्थिक विकासको साझेदार बनाउनु अहिलेको आवश्यकता भएको बताए । मुख्यमन्त्रीले शिक्षा र श्रममा दुई सत्रहरू आयोजना गर्न अमृतसरलाई छनोट गरेकोमा केन्द्रलाई धन्यवाद पनि दिएका थिए।

थप समाचार

एचआईभी नियन्त्रण र उपचारमा सुधार भए पनि लाञ्छना र विभेद…

३१ वर्षदेखि थन्किएको सरकारी जग्गासम्बन्धी प्रतिवेदन कार्यान्वयन गर्ने सरकारको निर्णय

सरकारलाई ट्रेड युनियन हटाउने बाटो खुल्यो, अन्तरिम आदेशले पाएन निरन्तरता

आकु ब्रान्डको पानी, उपभोक्ताको स्वास्थ्यमा मनोमानी, भेटियो खतरनाक अखाद्य वस्तु

जेनजी आन्दोलनका ४५ बलिदानीको कथा समेटिएको ‘अधुरा सपना’ पुस्तक विमोचन

संसद अवरोध हटाउन सभामुखलाई सकस, प्रधानमन्त्रीको जवाफ माग्दै प्रतिपक्षको निरन्तर…