नेपाली क्रिकेट प्रेमीको चिन्ताः भोलि पानी पर्ला कि नपर्ला ?

काठमाडौं । नेपालले भोलि यूएईसँग लिग २ को निर्णायक र अन्तिम म्याच खेल्दैछ । त्रिभुवन विश्वविद्यालयको मैदानमा हुने खेलको अघिल्लो दिन क्रिकेट प्रेमीहरुको चासो छ भोलि पानी पर्ला कि नपर्ला ? केहीदिन यता मौसम बदली भईरहेको र देशका विभिन्न स्थानमा पानी परिरहेको छ । यदि वर्षाको कारणले भोलिको म्याच रद्द भयो भने नेपालको विश्वकप खेल्ने सपनामा ठूलो धक्का लाग्नेछ ।

नेपालले विश्वकपको क्यालिफायरमा स्थान बनाउनका लागि भोलि यूएईविरुद्ध खेल जित्नैपर्ने बाध्यता छ । देशभरका पहाडी भुभागमा आगामी तीन दिन पानी पर्ने सभ्भावना रहेको मौसम पुर्वानुमान महाशाखाले जनाकारि दिएको छ । प्रि–मनसुन सुरू भएको र स्थानीय वायुको प्रभावले आज, भोलि र पर्सि दिउँसोदेखि बादल बढ्ने र अपरान्हदेखि मेघगर्जनसहित पानी पर्ने सम्भावना रहेको मौसमविद्ले बताए ।

काठमाडौं उपत्यकामा आज साँझ हावाहुरीसहित हल्का वर्षाको सम्भावना रहेको भएपनि भोलि अपरान्हसम्म पानी नपर्ने आँकलन गरिएको छ । भोलि बिहान र दिउँसो काठमाडौंमा पानी पर्ने सम्भावना कम छ तर पनि दिउँसोदेखि बादल बढेर अपरान्हदेखि हल्का पानी पर्न सक्ने भएकाले ढिलागरि खेल सुरु भएमा प्रभावित हुनसक्ने आँकलन गरिएको छ ।

थप समाचार

रास्वपामा रवि लामिछानेकै नेतृत्व आवश्यक भएको रञ्जु न्यौपानेको दाबी

जेन–जी आन्दोलनसम्बन्धि मानव अधिकार आयोगको सिफारिस गैर संवैधानिक छः बार…

सरकारका नीति र निर्णय जनहितविपरीत रहेको प्रचण्डको आरोप

जग्गाको द्वेध स्वामित्व अन्त्य गर्न सरकार प्रतिवद्ध छः मन्त्री रावल

अदालतको फैसलालाई सरकारको ‘हार–जित’ का रूपमा बुझ्नु संकुचित मानसिकताः मुख्य…

व्यवसायीका सुझावअनुसार नीति सच्याउन तयार छौँः अर्थमन्त्री वाग्ले