कांग्रेसले समर्थन गर्यो राष्ट्रिय सभाको उपाध्यक्षमा माओवादीकी उम्मेद्वार अर्याललाई

खोज पत्रिका आइतवार, २०७९ माघ २२, ११ :०० बजे

काठमाडौं । नेपाली कांग्रेसले राष्ट्रिय सभा उपाध्यक्ष पदमा उम्मेदवारी नदिने निर्णय गरेको छ । कांग्रेसले अव नेकपा माओवादी केन्द्रकी उम्मेदवार उर्मिला अर्याललाई समर्थन गर्ने जनाएको छ । राष्ट्रिय सभा उपाध्यक्ष पदको उम्मेदवारबारे छलफल गर्न आज बिहान पार्टी सभापति शेरबहादुर देउवाको निवास धुम्बाराहीमा संसदीय समितिको बैठक बसेको थियो ।

बैठकपछि कांग्रेसका प्रमुख सचेतक एवम् संसदीय समितिका पदेन सदस्य रमेश लेखकले राष्ट्रिय सभा उपाध्यक्ष पदमा उम्मेदवारी नदिने निर्णय भएको जानकारी दिएका छन् । सभामुख र उपसभामुखमा उम्मेद्वार दिएको नेपाली कांग्रेसले राष्ट्रिय सभामा उपाध्यक्षको उम्मेदवार भने माओवादीलाई साथ दिने निर्णय गरेको हो ।

राष्ट्रिय सभा उपाध्यक्ष पदका लागि आज दिउँसो १ बजेदेखि ४ बजेसम्म उम्मेदवारी दर्ताको समय तोकिएको छ । भोलि सोमबार निर्वाचन हुनेछ ।