हिरासतबाट ६ जना आरोपित फरार, हिरासत कक्षको भित्ता कमजोर

खोज पत्रिका सोमवार, २०७९ माघ १६, १४ :४१ बजे

धनुषा । जिल्लाको इलाका प्रहरी कार्यालय सखुवा महेन्द्रनगरको हिरासतबाट ६ जना आरोपित फरार भएका छन् । आईतवार राति पर्खाल भत्काएर ६ जना आरोपितहरु फरार भएको जिल्ला प्रहरी कार्यालय धनुषाले जनाएको छ ।

इलाका प्रहरी कार्यालयको हिरासतमा रहेका फरार आरोपितमध्ये २ जना हातहतियार, २ जना लागुऔषध र २ जना राष्ट्रसेवक बाधा मुद्धाको रहेका छन् । फरार हुनेमा रोशन महतो र शंकर सिंह हातहतियार मुद्धा, विनोदकुमार शर्मा र अमित मण्डल लागुऔषध मुद्धा र रोशन यादव र हरिदीप सिंह राष्ट्रसेवक बाधा मुद्धाका आरोपीहरु छन् ।

हिरासत कक्षतर्फको भित्ता निकै कमजोर भएकाले भित्ता फोरेर अभियुक्तहरु भाग्न सफल भएको प्रहरीको भनाइ छ । फरार आरोपीहरको खोजीकार्य जारी रहेको जिल्ला प्रहरी कार्यालय धनुषाले जनाएको छ ।