घण्टौँ रोकिएको त्रिभुवन विमानस्थलको उडान सुचारु,सर्भर डाउनको समस्या हल

खोज पत्रिका शनिबार, २०७९ माघ १४, १७ :४२ बजे

काठमाडौं । त्रिभुवन विमानस्थलस्थित अध्यागमन विभागको वेबसाइटमा समस्या आएपछि प्रभावित भएको उडान सुचारु भएको छ । करिब २ घण्टा विमान उडान रोकिएपछि उडान सुचारु भएको हो । घण्टौँ उडान रोकिदा त्रिभुवन विमानस्थलमा नाराबाजी नै भएको थियो । सयौँ यात्रुहरु अलपत्र परेका थिए ।

विदेशबाट नेपाल आएका यात्रुहरु समेत अध्यागमनको बेभसाईड नचल्दा मारमा परेका थिए । फ्लाई दुबई, इन्डिगो एयर, एयर इन्डिया लगायत ६ भन्दा बढी अन्तर्राष्ट्रिय उडान रोकिएकोमा अहिले सबै उडान सुचारु हुने अवस्था आएको त्रिभुवन विमानस्थलका महाप्रबन्धक प्रेमनाथ ठाकुरले जानकारी दिएका छन् ।

राष्ट्रिय सूचना प्रविधि केन्द्रले सबै सरकारी वेबसाइट डाउन भएकाले समस्या समाधानको प्रक्रिया अन्तिम चरणमा पुगेको जानकारि दिएको छ । सरकारी वेबसाइटमा विदेशबाट धेरै ‘ट्राफिक’ आएकाले समस्या भएको र अहिले समाधानको अन्तिम चरणमा रहेको राष्ट्रिय सूचना प्रविधि केन्द्रका प्रवक्ता रमेश पोखरेलले जानकारि दिएका छन् ।