रविको दुखेसोः म अनागरिकलाई के प्रश्न सोध्नुहुन्छ ? म सँग जवाफ छैन

खोज पत्रिका शुक्रबार, २०७९ माघ १३, २२ :४७ बजे

काठमाडौं । सर्बोच्च अदालतको फैसलापछि रवि लामिछानेले आफू अनागरिक भएको प्रतिक्रिया दिएका छन् ।

सर्वोच्च अदालतको फैसलालाई स्वागत गर्ने बताएका उनले आफू अनागरिक भएको बताएका हुन । तर अरू कुनै प्रश्नको जवाफ आफूसँग नभएको लामिछानेले बताएका छन् ।

सर्वोच्चले सांसद पद खारेज भएको फैसला सुनाउँदा लामिछाने गृह मन्त्रालयमै थिए । मन्त्रालयबाट बाहिरिने क्रममा उनले भनेका छन्, ’अदालतको फैसलालाई स्वागत गर्छु, स्वीकार गर्छु ।’ अब के गर्नुहुन्छ भन्ने प्रश्नमा उनले भने, ‘म अनागरिक छु ।

कुनै प्रश्नको जवाफ मसँग छैन ।’ सञ्चारकर्मीको प्रश्नमा लामिछानेले भने तपाईहरु एउटा अनागरिकलाई प्रश्न सोध्दै हुनुहुन्छ । कहाँको नागरिकलाई प्रश्न सोध्दै हुनुहुन्छ । म कहाँको नागरिक हुँ र कसलाई प्रश्न गर्नुभएको नै थाहा छैन ।