प्रतिनिधिसभामा सभामुख चयन हुँदै

खोज पत्रिका बिहिबार, २०७९ माघ ५, १९ :०६ बजे

काठमाडौं । प्रतिनिधिसभाको सभामुख चयन प्रक्रिया सुरु भएको छ । सभामुखका लागि २ जनाको उम्मेदवारी परेको छ । सत्ता साझेदारका तर्फबाट देवराज घिमिरे र विपक्षी गठबन्धनबाट इश्वरी न्यौपानेले सभामुखमा उम्मेदवारी दर्ता गराएका छन ।

एमाले सांसद सुवास नेम्वाङले देवराजलाई सभामुखमा प्रस्ताव गरेका छन् । त्यस्तै, कांग्रेस सांसद विश्वप्रकाश शर्माले न्यौपानेलाई सभामुखमा प्रस्ताव गरे । सत्ता साझेदारका एमाले, माओवादी, राप्रपा र रास्वपाले सभामुखमा एमालेका देवराज घिमिरेलाई समर्थन गरेका छन ।

कांग्रेसकी ईश्वरी न्यौपानेलाई एकीकृत समाजवादी र लोकतान्त्रिक समाजवादी पार्टीले समर्थन गरेकाछन । अहिलेको अंकगणितलाई हेर्दा सत्तापक्षसँग सुविधाजनक बहुमत छ ।

क्याटेगोरी : प्रमुख समाचार, राजनीति, विचार/लेख, समाचार