कांग्रेसले पनि देला त प्रचण्डलाई विश्वासको मत, किन छन् प्रचण्ड ढुक्क !

काठमाडौं । नेकपा एमाले लगायत साना दलको समर्थनमा प्रधानमन्त्री बनेका नेकपा माओवादी केन्द्रका अध्यक्ष पुष्पकमल दाहाल प्रचण्डले नेपाली काँग्रेसको समेत मत पाउने दाबी गरेका छन् । मंगलबार विश्वासको मत लिन लागेका प्रधानमन्त्री प्रचण्डले कांग्रेसको पनि साथ लिएर राष्ट्रिय सहमतिको सरकार बनाउन चाहेका छन् ।

उनले नेकपा माओवादी केन्द्रको संसदीय दलको बैठकमा समेत सके काँग्रेसलाई समेत सरकारमा सामेल गराउने, सरकारमा जानका आनाकानी गरे काँग्रेसको समेत विश्वासको मत लिने बातावरण तयार गर्ने सुनाएका थिए । कांग्रेसले पनि विश्वासको मत दिनेमा लगभग प्रचण्ड ढुक्क जस्तै छन् । तर, काँग्रेस प्रवक्ता डा. प्रकासशरण महतले भने आफ्नो पार्टी प्रतिपक्षमा बस्ने बताए ।

उनले यसबारेमा मंगलबार विहान बस्ने संसदीय दलको बैठकले निणर्य गर्ने जानकारी दिए । प्रचण्डलाई विश्वासको मत दिने कि विपक्षमा बस्ने बारे काग्रेसमा मत विभाजन छ । शेखर गगन समुहले पार्टी बिपक्षमा बसेर शतिm संचय गर्नुपर्नेमा जोड दिदै आएको छ ।

संस्थापन समुहले प्रचण्डलाई विश्वासको मत दिने र राष्ट्रपति सभामुख लगायतका पदमा दावी गर्ने तथा गठबन्धन भत्काएर नयाँ गठबन्धन बनाउन सकिने आकलन सहित अगाडी बढेको बताइएको छ । कांग्रेस निकट श्रोतले सभापति शेरवहादुर देउवा पार्टी संसदीय दलबाट निर्णय गराएर प्रचण्ड नेतृत्वको सरकारलाई बिश्वासको मत दिने तयारीमा रहेको बताएको छ ।

थप समाचार

सर्वोच्चको आदेश शिक्षक नेताहरूको हठका विरुद्धमा होः शंकर पोखरेल

भूकम्पीय जोखिमबाट बच्न चेतना फैलाउन आवश्यक छः राष्ट्रपति

आजदेखि बजेट अधिवेशन, प्रधानमन्त्रीले सम्बोधन गर्ने

आज भूकम्प स्मृति दिवस मनाइँदै

विद्या भट्टराईले दिइन् शिक्षा मन्त्रीलाई बधाई, प्रधानमन्त्रीलाई धन्यवाद

कक्षा १२ को वार्षिक परीक्षा नसर्ने