डा.गोविन्द केसीको चेतावनीः माग पूरा नभए भदौ २७ बाट अनसन

काठमाडौं । चिकित्सा शिक्षा सुधारका अभियन्ता डाक्टर गोविन्द केसीले आफना माग पूरा नभए भदौ २७ गतेदेखि  अनसन बस्ने चेतावनी दिएका छन् । भदौ १२ गतेदेखि सत्याग्रह सुरु गर्ने घोषणा गरेपनि सरकारी पक्षले दुई हप्ताको समय मागेपछि उनले सत्याग्रह स्थगित गरेको बताएका छन् । सरकारलाई विभिन्‍न ६ बुँदे माग बुझाउँदै सत्याग्रहको कार्यक्रम दुई साता पछि सारेको बताए ।

माग पूरा नभए भदौ २७ गतेदेखि सत्याग्रह सुरु गर्ने डाक्टर केसीद्वारा जारी विज्ञप्तिमा उल्लेख गरिएको छ । डाक्टर केसीले राखेका मागहरूमा स्वास्थ्य सेवामा सुधारका लागिः तोकिएको दरबन्दीअनुसार क्षमताभन्दा बढी बेडमा चलिरहेका देशका सबै सरकारी अस्पतालहरुको दरबन्दी तत्काल हालको बेड संख्या अनुसार बढाइनुपर्ने, स्वास्थ्य विज्ञान प्रतिष्ठानसम्बन्धी छाता ऐन जारी हुनुपर्ने, सार्वजनिक पदमा बस्नेहरुको स्वार्थको द्वन्द्व रोक्न तत्काल कानुनी व्यवस्था गरिनुपर्ने, प्रतिष्ठान र विश्वविद्यालयका पदाधिकारी नियुक्तिको मापदण्डसहित ऐनको व्यवस्था गरिनुपर्ने,बताएका छन् ।

त्यस्तै  चिकित्सा शिक्षा ऐन बमोजिम २०८५ भित्र नेपालका मेडिकल शिक्षण संस्थाहरुलाई गैर नाफामूलक बनाउने व्यवस्था कार्यान्वयन गरिनुपर्ने र विद्युतीय गाडीहरुको विस्तृत प्रयोग र विस्तारका लागि प्राथमिकता साथ अविलम्ब कानुनी व्यवस्था गरिनुपर्ने छन् । देउवा सरकार बनेयता स्वास्थ्य क्षेत्रका विषयमा निरन्तर आवाज उठाइरहँदा पनि कुनै सुनुवाइ नगरेकै कारण धैर्य गर्ने अवस्थामा आफू नरहेको केसीले जिकिर गरेका छन् ।

थप समाचार

कांग्रेसको नयाँ नेतृत्व चयनका लागि आज मतदान, ७ हजार २५५…

गगन थापाको घोषणा : कांग्रेसमा आजदेखि सबै गुट सकियो, अब…

रसायनशास्त्रतर्फको नोबेल पुरस्कार फ्रान्सका कागन र जापानका सोईलाई

चोलेन्द्रको घरमा सम्पत्ति शुद्धीकरण अनुसन्धान बिभागको छापा

कांग्रेस सभापतिको उम्मेदवारी फिर्ता गर्ने किशोरसिंह राठोरको घोषणा, गगन थापालाई…

कांग्रेसको बन्द सत्रमा सबैलाई प्रवेश खुला, प्रत्यक्ष प्रसारण हुने