पर्यटन मन्त्रालयका उपसचिव प्रमोद नेपाल घुससहित पक्राउ,फेला पर्यो २२ लाख रकम

खोज पत्रिका मङ्लबार, २०७९ साउन १७, २० :०९ बजे

काठमाडौं । संस्कृति पर्यटन तथा नागरिक उड्डयन मन्त्रालयका उपसचिव प्रमोद नेपाललाई अख्तियार दुरुपयोग अनुसन्धान आयोगले घुस सहित रंगेहात पक्राउ गरेको छ ।

उनलाई नक्साल नागपोखरीको एक होटलबाट रंगेहात पक्राउ गरिएको अख्तियारका प्रवक्ता श्यामप्रसाद भण्डारीले जानकारी दिए । उनी ६ लाख घुस सहित पक्राउ परेका हुन । अनुसन्धानका क्रममा उपसचिव नेपालले प्रयोग गरेको बा १ झ ९९ ४६ नम्बरको सरकारी गाडी नियन्त्रणमा लिइएको छ ।

उनको गाडीबाट समेत १६ लाख नगद समेत भेटिएको प्रवक्ता भण्डारीले जानकारी दिए । बरामद भएको नगद रकमबारे छानबिन शुरु गरिएको पनि प्रवक्ता भण्डारीले जानकारी दिए ।

पर्यटन व्यवसाय दर्ताका लागि घुस मागेको आरोपमा उनीविरुद्ध अख्तियारमा उजुरी परेको थियो । उजुरीपछि अख्तियारको टोलीले उनलाई घुस सहित पक्राउ गरेको बताइएको छ । नेपाल मन्त्रालयको हवाई उद्योग तथा अन्तर्राष्ट्रिय सम्बन्ध शाखाको प्रमुखको जिम्मेवारीमा थिए ।

क्याटेगोरी : जनगुनासो, प्रमुख समाचार, राजनीति, समाचार
ट्याग : #उपसचिव प्रमोद नेपाल, #घुस सहित रंगेहात