पुरानै लयको कारोवारमा फर्किदै देउराली सहकारी (बिज्ञप्तीसहित)

खोज पत्रिका शुक्रबार, २०७९ असार ३१, १८ :३१ बजे

काठमाडौं । ललितपुरको सातदोवाटोस्थित देउराली बहुउदेश्यीय सहकारी संस्था लिमिटेडले आफनो कारोवार पुरानै लयमा फर्काउने प्रतिबद्धता जनाएको छ । सहकारीले एक बिज्ञप्ती जारी गर्दै कोरोना संक्रमणले नेपाली अर्थतन्त्रमा पारेको असरले देउराली बहुउदेश्यीय सहकारी संस्था लिमिटेड पनि अछुतो रहन नसकेको भन्दै सबैको साथ र सहयोगका कारण छिट्टै पुरानै कारोवारको लयमा फर्किने प्रतिबद्धता जनाएको हो ।

उसले बैंकिङ र बित्तिय क्षेत्रमा तरलता अभाव भइरहेको भन्दै आफनो सहकारीबाट सेवाग्राही तथा सदस्यहरुको मर्म अनुरुप तरलता ब्यवस्थापन गर्न नसकेकोमा क्षमा समेत मागेको छ ।

सहकारीलाई पुरानै लयमा फर्काउन सहकारीका केही ठूला बचतकर्ताहरुले स्वतस्फुर्त रुपमा ७ सदस्यीय सहकारी ब्यवस्थापन समिति गठन गरी सहकारीको मर्म अनुरुप बचत ब्यवस्थापन,ऋण असुलीको काम गरिरहेको अध्यक्ष रविन्द्र चौंलागाईले जारी गरेको बिज्ञप्तीमा उल्लेख गरिएको छ ।

त्यस्तै समितिले संस्थाको नाममा भएको सम्पत्ति बेचविखन प्रक्रियामा निरन्तर लागिरहेको सहकारीले जनाएको छ । सहकारीमा अहिले पनि ठूला मझौला तथा साना बचतकर्ताहरुले नियमित रुपमा नगद जम्मा गरिरहेको अध्यक्ष चौंलागाईले जानकारी दिएका छन् ।

सहकारीले बित्तिय कारोवारमा जोडिएका केही कर्मसियल बैंक,विकास बैंक,फाइनान्स कम्पनी, राष्ट्रिय सहकारी बैंकलाई धन्यबाद दिएको छ । असहज परिस्थितिमा सबैको साथले थप हौसला प्रदान भएको भन्दै सहकारीले बचतकर्ता र शेयर सदस्यलाई नआत्तिन समेत बिज्ञप्ती मार्फत आग्रह गरेको छ ।