फेरि उकालो लाग्यो कोरोना संक्रमण, एकै दिन १०२ जनामा कोरोना पुष्टि

खोज पत्रिका शनिबार, २०७९ असार २५, २२ :५५ बजे

काठमाडौं । पछिल्लो केहीदिन यता नेपालमा कोरोना संक्रमण उकालो लागेको छ । देशभर थप १ सय २ जनामा कोरोना भाइरसको सङ्क्रमण पुष्टि भएको छ ।

२ हजार ६ सय १५ जनाको कोरोना परीक्षण गर्दा पीसीआर विधिबाट ७२ तथा एन्टिजेन विधिबाट ३० जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । पछिल्लो २४ घण्टामा थप ३१ जना सङ्क्रमणमुक्त भएका छन् ।

नेपालमा कूल सङ्क्रमितमध्ये ९ लाख ६७ हजार ६ सय ५६ जना सङ्क्रमणमुक्त भइसकेका छन् । योसँगै नेपालमा सक्रिय सङ्क्रमितको सङ्ख्या ६ सय ५ पुगेको छ । यस्तै, थप ४३ हजार ५ सय ३४ जनाले कोरोनाविरुद्धको खोप पनि लगाएका छन् ।

क्याटेगोरी : देश/दुनियाँ, प्रमुख समाचार, समाचार
ट्याग : #कोरोना संक्रमण, #सङ्क्रमण पुष्टि