घट्यो पेट्रोल लिटरमै २० र डिजेल २९ रुपैयाँ

खोज पत्रिका शनिबार, २०७९ असार ११, १३ :०९ बजे

काठमाडौं । पेट्रोलियम पदार्थको मूल्य घटाइएको छ । सत्ता गठबन्धनको निर्णयअनुसार नेपाल आयल निगमले पेट्रोलियम पदार्थको मूल्यमा कटौती गरेको हो शनिबार बसेको निगम सञ्चालक समिति बैठकले मूल्य घटाउने निर्णय गरेको हो ।

निगमले पेट्रोलमा २० रुपैयाँ र डिजेल–मट्टितेलमा २९ रुपैयाँ मूल्य घटाएको हो । यसअनुसार अब पेट्रोलको मूल्य १ सय ७९ निर्धारण हुनेछ भने डिजेल–मट्टितेलको १ सय ६३ कायम हुनेछ ।

घटेको मूल्य शनिबार राति १२ बजेदेखि लागू हुने निगमले जनाएको छ । बिहान बसेको सत्ता गठबन्धनको बैठकले कर कटौती गरेर पेट्रोलियम पदार्थको मूल्य घटाउन निर्णय गरेको थियो ।

क्याटेगोरी : अर्थ, प्रमुख समाचार, राजनीति, समाचार