एमाले सांसद बानियाँ बलात्कार आरोपमा पक्राउ

खोज पत्रिका मङ्लबार, २०७८ फाल्गुन १७, २० :४६ बजे

काठमाडौं । नेकपा एमाले, मुगुका सांसद मोहन बानियाँ महिला बलात्कारको आरोपमा पक्राउ परेका छन् । बानियाँलाई काठमाडौंबाट फर्किंदै गर्दा नेपालगञ्ज विमानस्थलबाट पक्राउ गरिएको हो ।

जिल्ला प्रहरी कार्यालय बाँकेका डीएसपी मधुसूदन न्यौपानेले बानियाँले ४० वर्षीया पीडित महिलाले २७ माघमा जिल्ला प्रहरी कार्यालयमा दिएको उजुरीका आधारमा पक्राउ गरिएको जानकारी दिए ।

आफूले दिएको २५ लाख रुपैयाँ फिर्ता गर्छु भनेर सांसद बानियाँले १९ माघमा होटलमा बोलाएको र जबरजस्ती करणी गरेको पीडितले दिएको जाहेरीमा उल्लेख छ । बानियाँले भने आफुलाई बद्नाम गराउन गिरोह नै लागेको बताइरहेका छन् ।

क्याटेगोरी : प्रमुख समाचार, राजनीति, समाचार
ट्याग : #मोहन बानियाँ