सशस्त्र प्रहरीको इन्स्पेक्टरको परीक्षामा ७५ माग्दा ६१ जना मात्रै उत्तीर्ण

काठमाडौं । सशस्त्र प्रहरीको इन्स्पेक्टर भर्नाको लिखित परीक्षामा माग अनुसार उत्तीर्ण हुन सकेका छैनन् । ७५ जनाका लागि खुलेको विज्ञापनको लिखित परीक्षामा ६१ जना मात्र उत्तीर्ण भएका छन् । परीक्षामा मधेसी समुदायबाट न्यून उत्तीर्ण भएका छन् । समावेशी आरक्षणको प्रावधानसहित खुलाइएको भर्नामा मधेसी समुदायका लागि नौ जनाको कोटा रहेकोमा लिखित परीक्षामा एकजना मात्र उत्तीर्ण भए ।

सोमबार सार्वजनिक गरिएको नतिजाअनुसार अमर–असक्त प्रहरीका सन्तानका लागि एक जनाको कोटामा कोही पनि उत्तीर्ण हुन सकेनन् । लिखित परीक्षामा कुल तीन सय ७१ सहभागी भएका थिए । महिला, दलित र पिछडिएको क्षेत्रतर्फ माग बराबर मात्र उत्तीर्ण भए । महिलातर्फ सात, दलिततर्फ पाँच तथा पिछडिएको क्षेत्रतर्फ एक जनाको कोटा थियो ।

खुलातर्फ भने ४० जनाको माग भएकोमा ४९ जना उत्तीर्ण भएका थिए । आदिवासी जनजातितर्फ ११ जनाको मागमा १४ जना उत्तीर्ण भए । समावेशी कोटा रिक्त रहेमा त्यसलाई खुलातर्फ जोडेर अन्तिम नतिजा प्रकाशन हुने प्रावधान छ । सशस्त्र प्रहरीको परीक्षामा विगतदेखि मागभन्दा कम उत्तीर्ण हुँदै आएका छन् ।

थप समाचार

२१ निर्वाचन क्षेत्रमा पार्टीभित्र ठूलो अन्तर्घातले काँग्रेस पराजित भयो

निर्वाचन आयोगद्वारा प्रधानमन्त्री कार्कीसमक्ष निर्वाचन प्रतिवेदन पेश

गगन थापाको राजीनामा अस्वीकृत,यी हुन् अस्वीकृत गर्ने आधारहरू

रविलाई बालुवाटारमा प्रधानमन्त्रीले भनिन्– देश रोएको छ, सम्हालिएर अघि बढ्नू

‘फेवातालको किनारबाट सिंहदरबारलाई अल्टिमेटमः ‘भाषणको रेल होइन, बाँच्ने आधार चाहियो’

पूर्वप्रधानमन्त्री देउवा सिंगापुरबाट हङकङ प्रस्थान