कसरी बढ्यो नेपालमा खाना पकाउने ग्याँसको माग

खोज पत्रिका मङ्लबार, २०७८ माघ ११, २० :४४ बजे

काठमाडौं । नेपालमा खाना पकाउने ग्याँस अर्थात एलपिजि आयातमा वृद्धि भएकोे नेपाल आयल निगमले जनाएको छ । भारतीय आयल कर्पोरेसनबाट गत अंग्रेजी वर्षको अन्तिम डिसेम्बर महिना आयात भएको ग्याँस हालसम्मकै अत्याधिक रहेको निगमका प्रवक्ता विनितमणि उपाध्यायले जानकारी दिएका हुन् ।

सन् २०२१ को डिसेम्बर महिनामा निगमले भारतीय आयल कर्पोरेसनबाट ४९ हजार ८ सय ४ मेट्रिक टन खाना पकाउने ग्याँस आयात गरेको छ । जुन गत वर्षको समीक्षा अवधिको तुलनामा ८ हजार ९९५ मेट्रिक टनले धेरै हो ।

अघिल्लो महिनाको तुलनामा ४ हजार १ सय ५५ मेट्रिक टनले बढी रहेको छ । नेपालमा एलपिजि ग्यासको खपत बढ्दा आयल निगम घाटामा जाने निगमका प्रवक्ता उपाध्यायले बताए । हरेक वर्ष नेपालमा एलपिजि ग्यासको खपत बढ्दै गएको पाइन्छ ।

अंग्रेजी वर्षको २०२० भन्दा २०२१ मा १७ प्रतिशत खपतमा वृद्धि आएको निगमले जनाएको छ । नेपालमा बढ्दो शहरीकरणका कारण एलपिजि ग्यासको खपत बढी हुने गरेको छ । यस बाहेक हिजो आज चिसोका कारण पनि एलपिजि ग्यासको खवत बढेको बताइएको छ ।

क्याटेगोरी : अर्थ, प्रमुख समाचार, राजनीति, समाचार
ट्याग : #एलपिजि आयातमा वृद्धि, #खाना पकाउने ग्याँस