इन्डोनेसियाको केन्द्रीय राजधानी कालीमान्तान टापुको नुसान्तरामा लैजान बाटो खुल्यो

काठमाडौं । इन्डोनेसियाको केन्द्रीय राजधानी सार्ने कानुन संसदबाट पारित भएको छ । जाकार्तामा रहेको अहिलेको राजधानी सारेर कालीमान्तान टापुको नुसान्तरामा लैजाने कानुन संसदबाट पारित भएपछि सार्ने बाटो खुलेको छ ।

राजधानी सार्ने कानुनलाई राष्ट्रपति जोको विडोडोको कार्यकालको महत्त्वपूर्ण उपलब्धिको रुपमा दाबी गरिएको समाचारसंस्था सिन्ह्वाले जनाएको छ । इन्डोनेसियाको राजधानी सार्ने विषय पहिलेदेखि नै मुख्य चुनावी एजेण्डा र मुख्य योजनाका रुपमा रहँदै आएको थियो । जाकार्ताको जनसंख्या अत्यधिक धेरै हुनु, जमिनको अभाव हुनु लगायतका कारणले राजधानी सार्नुपर्ने अवस्था आएको हो ।

राजधानी सार्न थालिएको ठाउँ नुसान्तारा सहर झण्डै दुई लाख ५६ हजार हेक्टर क्षेत्रफलमा फैलिएको छ । यो ठाउँको छनोट भने पूर्व राष्ट्रपति जोकोबीले गरेका थिए । इन्डोनेसिया विश्वको चौथो धेरै जनसङ्ख्या भएको देश हो । इन्डोनेसियामा अहिले २७ करोडभन्दा बढी जनसङ्ख्या रहेको छ।

थप समाचार

सबैलाई निर्वाचनमा भाग लिने वातावरण बनाउन सरकारले आवश्यक कदम चालोस्ः…

सौराहामा रास्वपाको विस्तारित बैठक शुरु (तस्बिरसहित)

बाबुराम भट्टराईको छलफलमाः जनार्दन शर्मादेखि डिपी अर्यालसम्म

सुधनले मागे गृहमन्त्रीको राजीनामा, जेन–जीको माग पूरा नभए चुनाव हुन…

गृहमन्त्री अर्यालद्वारा पूर्वराष्ट्रपति भण्डारीसँग भेटवार्ताः आन्दोलनमा जलेको घरको निरीक्षण

समाजवादीसँगको एकता ऐतिहासिक र असाधारणः संयोजक दाहाल