‘ईयूले दियो ओमिक्रोनका कारण सन् २०२२ मा स्वास्थ्य संकट आउने चेतावनी

खोज पत्रिका शुक्रबार, २०७८ पुस २, ०७ :५१ बजे

काठमाडौं । युरोपेली संघ (ईयू )को स्वास्थ्य निकायले सन् २०२२ को सुरु सम्ममा स्वास्थ्य संकट आउने चेतावनी दिएको छ । ईयूले कोरोना भाइरसको नयाँ भेरियन्ट ‘ओमिक्रोन’ का कारण स्वास्थ्य संकट आउने चेतावनी दिएको हो ।

यो भेरियन्टका कारण युरोपमा अस्पताल भर्ना र मृत्युको संख्या बढ्न सक्ने अनुमान गरिएको छ । ‘युरोपियन सेन्टर फर डिजिज प्रिभेन्सन एन्ड कन्ट्रोल’ले भौतिक दूरी, मास्क र बुस्टर खोप कार्यक्रममा जोड दिन सबै सदस्य राष्ट्रहरूलाई आग्रह गरेको समाचार संस्था एएफपीले जनाएको छ ।

महामारी अगाडि नै देशहरुलाई आफ्नो क्षमता बढाउन र आवश्यक सावधानी अपनाउन साथै महामारी नियन्त्रणका लागि आवश्यक प्रयास थाल्न ढिला गर्न नहुनेमा युरोपेली आयोग प्रमुख उर्जुला भोन देर लायनले जोड दिएका छन् ।

क्याटेगोरी : विदेश, समाचार
ट्याग : #युरोपेली संघ