महन्थ ठाकुरद्धारा नयाँ पार्टी गठन, वरिष्ठ नेतामा राजेन्द्र महतो

खोज पत्रिका बुधबार, २०७८ भदौ २, १८ :४५ बजे

काठमाडौं । जनता समाजवादी पार्टीका नेता महन्थ ठाकुरले नयाँ पार्टी गठन गरेका छन् । ठाकुरको अध्यक्षतामा जसपा लोकतान्त्रिक)पार्टीको गठन गरिएको हो । वरिष्ठ नेतामा राजेन्द्र महतोलाई राखिएको छ । ठाकुरको पार्टीले चुनाव चिन्ह साइकल रोजेको छ । नव गठित पार्टीमा २३ सदस्सीय केन्द्रीय कार्यकारिणी समिति र १४ जना संघीय सांसद रहेको नेता लक्षमणलाल कर्णले जानकारी दिए ।

साविक जसपाका १६ जनासहित अरु नयाँ थपेर कार्यकारिणी समितिलाई आयोगमा पेस गरिएको छ । सदस्य सूचीमा रेशमलाल चौधरी पनि छन् । निर्वाचन आयोगको हेड काउन्टमा उनी तटस्ठ बसेका थिए । ठाकुरको पक्षमा जसपाका प्रतिनिधिसभाका ३२ मध्ये १३ सांसद उभिएका छन् भने राष्ट्रियसभासहित संघीय संसदमा अब उनका १४ सांसद भएका छन् ।