अझै निषेधाज्ञा थप्ने योजनामा उपत्यकाका सिडियोहरु

खोज पत्रिका आइतवार, २०७८ असार ६, १२ :३१ बजे

काठमाडौं । थपिएको निषेधाज्ञाको म्याद सोमबार सकिने भएपछि काठमाडौं उपत्यकाका प्रमुख जिल्ला अधिकारीहरुको बैठक बस्न थालेको छ । उपत्यकामा जारी निषेधाज्ञा सम्बन्धमा निर्णय लिन जिल्ला प्रशासन कार्यालय काठमाडौंमा साझ ५ बजेपछि बैठक बस्ने तयारी छ । निषेधाज्ञा केही खुकुलो बनाउने विषयमा छलफल हुने बताइएको छ ।

यसअघि सीसीएमसीमा स्मार्ट लकडाउन गर्ने विषयमा छलफल भएको थियो । स्मार्ट लकडाउनबारे औपचारिक रुपमा भने जिल्ला प्रशासन कार्यालयलाई कुनै जानकारी छैन । कोरोना संक्रमण बढेपछि गत वैशाख १६ गतेदेखि काठमाडौं उपत्यकामा निषेधाज्ञा लगाइएको थियो । संक्रमण दर घट्दै गएपनि निषेधाज्ञा थप्दै केही खुकुलो बनाउने गरी छलफल अघि बढाइएको छ ।

क्याटेगोरी : देश/दुनियाँ, प्रमुख समाचार, राजनीति, समाचार
ट्याग : #निषेधाज्ञा