नेपालमा थपिए ३६७ जना संक्रमित, अधिकांश काठमाडौँ उपत्यकामा

खोज पत्रिका आइतवार, २०७७ चैत्र २९, १७ :५१ बजे

काठमाडौँ । नेपालमा कोरोनाभाइरस संक्रमणदर उकालो लाग्ने क्रममै छ । पछिल्लो २४ घण्टामा थप ३ सय ६७ जनामा संक्रमण पुष्टि भएको छ । ३ हजार १ सय २५ जनामा पीसीआर परीक्षण र ६ सय ९० जनामा एन्टीजेन परीक्षण गर्दा क्रमशः ३०३ र ६४ जनामा संक्रमण पुष्टि भएको हो ।

२४ घण्टामा थपिएका अधिकांश संक्रमित काठमाडौँ उपत्यकाका रहेका छन् । काठमाडौँमा १ सय २८, ललितपुरमा १५ र भक्तपुरमा ११ जना संक्रमित फेला परेका छन् । बिहीबारदेखि १४ हजार ७३४ पीसीआर परीक्षण गर्दा १ हजार २ सय ६० संक्रमण पुष्टि भएको छ ।

यसअवधिमा ४ सय ९८ जना संक्रमणमुक्त भएका छन् । हाल नेपालमा २ हजार ९ सय ६१ सक्रिय संक्रमित रहेका छन् ।

क्याटेगोरी : प्रमुख समाचार, ब्रेकिंग न्युज, शिक्षा स्वास्थ्य, समाचार
ट्याग : #कोरोनाभाइरस