के फिर्ता लेलानन् त पत्रकार महासंघमा प्रेस युनियनका बागी उमेद्वारले

काठमाडौं । नेपाल पत्रकार महासंघको नेतृत्व गर्न लागेको प्रेस युनियनभित्रैबाट थुप्रै बागी उमेद्वार उठेका छन् । नेपाल पत्रकार महासंघको आगामी चैत २५ गते हुने निर्वाचनमा अध्यक्षका लागि पाँच जनाको उम्मेदवारी परेको छ । निर्वाचन समितिका अनुसार अध्यक्षमा कांग्रेस–माओवादी गठनबन्धनबाट प्रेस युनियनका विपुल पोखरेलको उम्मेदवारी परेको छ । युनियनकै रामप्रसाद दाहालले पनि अध्यक्षमा बागी उम्मेदवारी दिएका छन् । उनले महासंघलाई राजनीतिक दलको कब्जामा जान नदिने भन्दै उम्मेदवारी दिएको उल्लेख गरेका छन् ।

गजेन्द्र बुढाथोकी र दीपक पाठकले पनि अध्यक्षमा उम्मेदवारी दिएका छन् । बुढाथोकीले दलीय सिण्डिकेटविरुद्ध एकल उम्मेदवारी दिएको बताएका छन् । नेपाली कांग्रेस आबद्ध प्रेस युनियन, माओवादी आबद्ध प्रेस सेन्टर र एमालेको माधव नेपाल पक्षीय प्रेस चौतारीसहितको गठबन्धन बने पनि अधिकांश पदमा युनियनका उम्मेदवारले बागी उम्मेदवारी दिएका छन् । वरिष्ठ उपाध्यक्षमा युनियनले रमेश विष्टलाई आधिकारिक भनेको छ भने रामजी दाहालले पनि सोही पदमा उम्मेदवारी दिएका छन् ।

त्यस्तै माधव नेपाल पक्षधर प्रेस चौतारीका धु्रव लम्सालले पनि बरिष्ठ उपाध्यक्षमा उम्मेदवारी दर्ता गराएका छन् । पोखरेल प्यानलबाट महिला उपाध्यक्षमा बाला अधिकारीको उम्मेदवारी परेको छ । समावेशी उपाध्यक्षमा उदय जीएमको उम्मेदवारी छ । तर, सोही गठबन्धनबाट रेमवहादुर विश्वकर्मा र शीतल महतोले पनि समावेशी उपाध्यक्षमा उम्मेदवारी दिएका छन् ।

त्यस्तै, महासचिवमा गठबन्धनबाट प्रेस सेन्टरका रोशन पुरी उम्मेदवार भएका छन् भने युनियनका राजेश मिश्रले पनि सोही पदमा उम्मेदवारी दिएका छन् । त्यस्तै सुवोध गौतमको पनि उम्मेदवारी महासचिवमा परेको छ । खुल्ला सचिवमा प्रेस युनियनको तर्फबाट नकुल अर्यालले सचिवमा उम्मेदवारी दिएका छन् । गठबन्धनबाट भन्दै माधव नेपाल पक्षीय चौतारीका गोविन्द चौलागाईंले उम्मेदवारी दिएका छन् । खुल्ला सचिवमा जन्मदेव जैसी, यम विरहीको पनि उम्मेद्वारी परेको छ ।

महिला सचिवमा पोखरेल प्यानलबाट सृजना अर्यालको उम्मेदवारी वागी परेको छ भने आदिवासी जनजाति सचिवमा नारायण किलम्बुले सोही प्यानलबाट उम्मेदवारी दिएका छन् । त्यस्तै मधेशी सचिवमा सो प्यानलभित्रबाट दिपेन्द्र चौहान, देवकुमार यादव र प्रविण चौधरीले उम्मेदवारी दिएका छन् । दलित सचिवमा गठबन्धनले हेमकर्ण विकलाई उम्मेदवार बनाए पनि गणेश विक, गोपाल बराईली, मानसिंह विकले पनि उम्मेदवारी दिएका छन् । एसोसियट सचिवबाट प्रेस युनियनकै केपी ढुंगाना, पवन आचार्य, विनय देवकोटा, राधेश्याम दाहाल उम्मेदवारी दिएका छन् ।

कोषाध्यक्षमा गठबन्धनबाट प्रेस युनियनका कलेन्द्र सेजुवालले उम्मेदवारी दिएका छन् भने युनियनकै प्रकाश थापा, माधव दुलाल, दिलिप पौडेलको पनि सोही पदमा उम्मेदवारी परेको छ । केपी शर्मा ओली निकट चौतारीको तर्फबाट सञ्चारिका समूहकी पूर्वअध्यक्ष्य निर्मला शर्मा नेपाल पत्रकार महासंघको नेतृत्व लिने गरी उमेद्वारी दिएकी छन् । प्रेस चौतारीको नेतृत्वमा प्रगतिशील–व्यावसायिक–समावेशी राष्ट्रवादी वरिष्ठ उपाध्यक्षमा माधव नेपाल उम्मेदवार बनेका छन् । उनी प्रेस चौतारीको पनि वरिष्ठ उपाध्यक्ष हुन् ।

त्यस्तै महिला उपाध्यक्षमा दाना केसी, उपाध्यक्ष समावेशीमा अवदेशकुमार झा, महासचिवमा बालकृष्ण बस्नेत, सचिव खुल्लामा रामकृष्ण ज्ञवाली, सचिव महिलामा निमा काफ्ले, सचिव आदिवासी जनजातिमा शाहीमान राई, सचिव मधेसीमा श्वेता सिन्हा, सचिव दलितमा मधु शाही, सचिव एशोसियटमा रामेश्वर कार्की, कोषाध्यक्षमा कृष्ण गिरी र लेखा समिति संयोजकमा द्वारिका काफ्लेले उम्मेवारी दिएका छन् । अधिकांश पदका युनियनकै तर्फबाट उमेद्वारी परेको छ । युनियनबाट बागी उमेद्वार बनेपछि फिर्ता गराउन युनियनले छलफल गरिरहेको छ ।

थप समाचार

कांग्रेसमा उठ्यो राज्यमन्त्री कान्छारामलाई हटाइएको विषय

लण्डनको थेम्स नदीमा भेटिएको शव नेपाली विद्यार्थी ओलीकै भएको पुष्टि

सभापतिमाथि लगाएको मुद्दामा दम छैन, सरकारको प्रतिशोध मात्रै होः सोबिता…

भारतले पाकिस्तानबाट हुने आयातमा लगायो पूर्ण प्रतिबन्ध

समाजवादको आधार तयार पारेर मात्रै दुनियाँबाट बिदा हुने संकल्प लिएको…

ओलीले सांसदहरूलाई भनेढुक्क रहनू, हाम्रा सबै नीति सही छन्