भारतीय प्रधानमन्त्री मोदीलाई नभेटि फर्किए परराष्ट्रमन्त्री ज्ञवाली, भन्छन् भ्रमण सफल भयो

काठमाडौं । नेपालको राजनीति निक्कै तातिएका बेला परराष्ट्रमन्त्री प्रदीपकुमार ज्ञवाली भारत भ्रमणमा निष्किए । उनको प्राथमिकता भनेकै सीमा र कोरोना बिरुद्धको खोपको थियो । तर, सीमाका बिषयमा प्रबेश नै पाएन भने खोप पनि कहिले आउने भन्ने केही टुंगो छैन् । परराष्ट्र मन्त्री ज्ञवालीको भारत भ्रमणले के हिसाबले उपलब्धि भयो भन्ने चर्चा र विश्लेषण भइरहेको छ । विशेषगरी सिमा समस्या तथा दुवै देशले जारी गरेको नयाँ नक्साले सृर्जित तिक्तता अन्त्य गर्न यो भ्रमण कति सफल भयो भन्ने विश्लेषण तत्कालका लागि मात्र नभै दीर्घकालिन रुपमा पनि आवश्यक छ ।

भारतका लागि राजदूत भएर अनुभव लिइसकेका नेपाली कांग्रेसका नेता दिपकुमार उपाध्यायले अहिलेको समय परराष्ट्रमन्त्रीको भारत भ्रमणका लागि उचित नै नभएको दाबी गरिरहेका छन् । दुई देशबीचको सम्बन्ध र समस्याबारे तयार पारिएको इपिजी प्रतिवेदनका विषयमा गम्भीरताका साथ छलफल नै हुन नसक्ने अनि भ्रमणको उपलब्धी चाँही के भन्ने तर्क धेरैले गरिरहेका छन । अहिलेका राजदूत निलाम्बर आचार्यले भने परराष्ट्रमन्त्रीको भ्रमण निकै फलदायी भएको दावी गरिरहेका छन् । नेपाल भारत प्रबुद्ध समूहले २०१८ मा तयार पारेको प्रतिवेदन भारत सरकारले अझै बुझ्न मानेको छैन । ईपीजी प्रतिवेदनका केही बुँदामा असहमत जनाएका भारतका प्रधानमन्त्री नरेन्द्र मोदीले त्यसलाई बुझ्न नमानेको कतिपयको अनुमान छ । तर, इपिजीको समुहमा रहेका भारतर्फका सदस्य महेन्द्र पी लामाले यसपटकको भ्रमणपछि उक्त प्रतिवेदन भारत सरकारले स्वीकार गर्ने विश्वास लिएका छन् ।

यसपटकको परराष्ट्रमन्त्री ज्ञवालीको भ्रमणललाई भारत दिएको उच्च प्राथमिकताले दुवै देशका सरकार सम्बन्ध सुधारमा प्रतिवद्ध छन् भन्ने देखाएको छ । त्यति मात्र नभै केपी ओली स्वयम् सरकारमा अल्पमतमा परेपछि संसद विघटन गरेको विषयलाई पनि भारतले स्वीकार गरेको देखिन्छ । संसद विघटनपछि काम चलाउ बनेको सरकारका मन्त्रीलाई भारतले आतिथ्यता गर्नुलाई पनि धेरैले सकारात्मक रुपमा लिएका छन् ।

तीन दिने भ्रमण सकेर फर्किएका मन्त्री ज्ञवाली पनि भ्रमणलाई उपलब्धीको रुपमा हेरेका छन् । कोरोना खोपका लागि भारतले नेपाललाई प्राथमिकतामा राखेको दाबी ज्ञवालीको छ । उनले शनिबार स्वदेश फर्किएका परराष्ट्रमन्त्री ज्ञवालीले कोभिड १९ को भ्याक्सिनबारे छलफल भएको जानकारी दिए । आफ्नो भारत भ्रमणले दुई देशको घनिष्ठ, मैत्रिपूर्ण एवम् बहुआयामिक सम्बन्धलाई थप मजबुद पार्न योगदान गर्ने उनले बताए । तर, ज्ञवालीलाई भारतीय प्रधानमन्त्री नरेन्द्र मोदीले भेट नदिनु र सीमा विवादबारे समेत भारतीय पक्षले छलफल गर्न नमान्नुले भ्रमण औपचारिकतामा मात्रै सिमित भएको छ ।

थप समाचार

कांग्रेसले भन्यो– हामी कसैसँग चुनावी गठबन्धन गर्दैनौँ

कुलमानले भने–भाषण गरेर कोही प्रधानमन्त्री हुँदैन

एपस्टिनसँग बिताएको प्रत्येक क्षणप्रति मलाई पछुतो छः बिल गेट्स

रास्वपामा प्राइमरी इलेक्सनका नाममा पैसा असुली,धमाधम नेताहरुले छोड्दै पार्टी

फागुन २१ गते एकै चरणमा निर्वाचनबारे प्रधानमन्त्री र एमाले अध्यक्ष…

रास्वपालक्षित प्रचण्डः सञ्जालमा हाहा र हुहु गरेर केही हुन्न