कोरोनाको बाहनामा लुट : स्वदेश फर्कन पनि कमिसन दिनुपर्ने ?

काठमाडौं । सरकारले विदेशमा अलपत्र नेपालीहरुको उद्धारमा चरम लापरवाही गरेको छ । स्वदेश फिर्ता हुँदा सातदिनसम्म होटल क्वारेन्टिनमा बस्नैपर्ने ब्यवस्था गरिएको छ । जसका लागि उनीहरुले नेपाल फर्किदा होटलमा बस्ने ब्यवस्था मिलाएर मात्रै उनीहरु आइरहेका छन् । तर, आफूले महंगोमा होटेल बुकिङ गरेपनि बिचौलियाले सस्तो होटेलमा राख्ने गरिएको भेटिएको छ । बिदेशमा अलपत्र परेर नेपाल आईसका नेपालीहरुले होटलमा बस्दाको खर्च व्यक्ति स्वयंले व्यहोर्नुपर्ने ब्यवस्था गरिएको छ ।

विदेशबाट आएका यात्रुले पीसीर रिर्पोट ल्याए पनि ७ दिन क्वारेन्टिन बस्नुपर्ने व्यवस्था पनि छ । सरकारले चार्टर्ड उडानमार्फत स्वदेश आउने नागरिकलाई क्वारेन्टिनमा राख्ने प्रयोजनका लागि तारे होटलदेखि सामान्य पर्यटकस्तरका होटलको सूची र मूल्य सार्वजनिक गरिएको छ । पर्यटकीय क्षेत्र ठमेल, ताहाचल, गौशाला, बत्तिसपुतली, दरबारमार्ग, लगायत होटललाई क्वारेन्टिनका रूपमा प्रयोग गरिने ब्यवस्था अनुसार नै विदेशमा रहेका नेपालीहरुले होटेल बुकिङ गरिरहेका छन् ।

सोमबार मात्र नेपाल एवरलाईन्समा आएका २ सय ६० नेपालीलाई उनीहरुले होटलको लागि भनेर तिरेको रकम अनुसार नराखी, गंगाबुको सयपत्री गेष्ट हाउस लगायत अन्य १३ बटा सस्तो होटेलमा राखिएको भेटिएको छ । अझ् ७ दिनको लागि भनिएर होटेल बुकिङ गरे पनि उनीहरुलाई ५ दिनमै पिसिआर गरी होटल छाड्न दवाव दिइएको छ । (सिसिएमसी)का प्रवतmा महेन्द्रप्रसाद गुरागाईसँग यस बिषयमा बुझ्न खोज्दा होटेलको व्यवस्थाको बारेमा आफुलाई थाहा नभएको र पर्यटन तथा नागरीक उड्डयन मन्त्रालयलाई जिम्मा दिएको दाबी गरे ।

हामीले फेरि यहि कुरा बुझ्न पर्यटन तथा नागरीक उड्डयन मन्त्रालयमा फोन ग¥यौं । तर, मन्त्रालयले भने पर्यटन विभागको जिम्मेवारी भएको भन्दै जवाफ दिनबाट पन्छियो । पाँच तारे होटलमा एक जना बस्दा नौ हजार र दुई जना साझेदारीमा बस्नेका लागि प्रतिव्यक्ति छ हजार तोकिएको छ । यस्तै, चारतारे होटलमा एक जनाको आठ हजार र दुई जनाको हकमा प्रतिव्यक्ति पाँच हजार ५ सय, तीनतारे तथा डिलक्स रिसोर्टमा एक जनाको ६ हजार तोकिएको छ ।

दुई जनाको हकमा प्रतिव्यक्ति पाँच हजार, दुई तारेमा पाँच हजार र दुई जना भएमा प्रतिव्यक्ति तीन हजार ५ सय तोकिएको छ । शुल्क तिरे अनुसार उद्धार गरिएका नेपालीले होटल नपाउँदा र सरकारी पक्षबाट नै होटलको व्यवस्थापन नहँुदा उद्धारमा समेत ठगी धन्दा चलिरहेको छ ।

थप समाचार

कांग्रेसमा उठ्यो राज्यमन्त्री कान्छारामलाई हटाइएको विषय

लण्डनको थेम्स नदीमा भेटिएको शव नेपाली विद्यार्थी ओलीकै भएको पुष्टि

सभापतिमाथि लगाएको मुद्दामा दम छैन, सरकारको प्रतिशोध मात्रै होः सोबिता…

भारतले पाकिस्तानबाट हुने आयातमा लगायो पूर्ण प्रतिबन्ध

समाजवादको आधार तयार पारेर मात्रै दुनियाँबाट बिदा हुने संकल्प लिएको…

ओलीले सांसदहरूलाई भनेढुक्क रहनू, हाम्रा सबै नीति सही छन्